Axalayaya qarşı ittiham irəli sürüldü

Ötən gün saxlanılan Gürcüstanın sabiq müdafiə naziri Baço Axalayaya qarşı ittiham irəli sürülüb.

Bu barədə Gürcüstanın Baş Prokurorluğunun məlumatında deyilir.

Axalaya bu ilin oktyabrın 4-də bələdiyyə seçkiləri günündə Tiflisdə Gürcüstan prezidentinin sarayına basqın işi üzrə qrup halında zorakılığın təşkili və ona rəhbərlik etməkdə ittiham olunur.

Törədilmiş cinayət əməllərinə görə 9 ilədək həbs cəzası nəzərdə tutulur.

Baş Prokurorluq sabiq nazir barəsində həbs qətimkan tədbirinin seçilməsi ilə bağlı qanunla müəyyən edilmiş müddətdə məhkəməyə müraciət edəcək.

mənbə: axar