Ailə zorakılığı və hədələmə faktına görə hüquq-mühafizə orqanı əməkdaşını aşkar etdik
Xüsusi İstintaq Xidmətinin bəyanatına görə, zorakılıq və hədə-qorxu faktına görə Daxili İşlər Nazirliyinin Sərhəd Polisi əməkdaşı ifşa edilib.
Qurum bildirir ki, hüquq-mühafizə orqanı əməkdaşı qısqanclıq zəminində həyat yoldaşına qarşı aqressiya nümayiş etdirib və ona fiziki zorakılıq tətbiq edib.
"Xüsusilə, 2024-cü ilin iyul ayında təqsirləndirilən şəxs və zərərçəkmiş arasında sözlü mübahisə baş verib, bu isə fiziki qarşıdurmaya çevrilib.
Təqsirləndirilən şəxs azyaşlı övladının gözü qarşısında zərərçəkmiş qadına bədəninin müxtəlif nahiyələrinə dəfələrlə zərbə endirib və onu ölüm ilə hədələyib. Zorakılıq nəticəsində zərərçəkmiş müxtəlif xəsarətlər alıb", – deyə bəyanatda qeyd olunur.
Azyaşlının gözü qarşısında ailə zorakılığına dair üç epizod və hədə-qorxu faktına əsasən, Gürcüstan Prokurorluğunun qərarı ilə hüquq-mühafizə orqanı əməkdaşına ittiham irəli sürülüb.
Xüsusi İstintaq Xidməti işi Gürcüstan Cinayət Məcəlləsinin 126-cı prima maddəsinin birinci hissəsi, eyni maddənin ikinci hissəsinin "b" bəndi, həmçinin 111-ci və 151-ci maddənin ikinci hissəsinin "d" bəndi ilə araşdırır. Cinayət 3 ilə qədər azadlıqdan məhrumetmə cəzasını nəzərdə tutur.
mənbə: marneulifm
