Yenidən qeydiyyatdan keçməyən biznes subyektləri 2027-ci il aprelin 1-də ləğv ediləcək

Gürcüstanda fəaliyyət göstərən bütün şirkətlər üçün məlumatların uyğunlaşdırılması və yenidən qeydiyyatdan keçmək üçün son müddət 2027-ci il aprelin 1-i müəyyən edilib.

XEBER.GE xeber  verir ki, Ədliyyə nazirinin müavini Tamar Zodelavanın bildirdiyinə görə, 2026-cı il aprelin 1-dək re-reqistrasiyadan keçməyən sahibkarların statusu dayandırılıb (dondurulub). Lakin statusun dayandırılması şirkətin tamamilə ləğv olunması demək deyil.

Statusu dondurulmuş biznes subyektləri reyestrdən çıxarış (çıxarış/çıxarış sənədi) ala bilmir, bank xidmətlərinə və məhsullarına girişləri məhdudlaşdırılır, vergi əməliyyatlarını həyata keçirə bilmirlər. Bu xidmətlərdən yenidən istifadə etmək üçün qeydiyyat məlumatlarını qanunvericiliyə uyğunlaşdırmaq tələb olunur.

Şirkətlərə məlumatları yeniləmək üçün 2027-ci il yanvarın 1-dək vaxt verilib. Bu tarixə qədər prosesi yekunlaşdırmayan subyektlərə bildiriş göndəriləcək və onlara 2027-ci il aprelin 1-dək son şans tanınacaq. 2027-ci il aprelin 1-də yenidən qeydiyyatdan keçməyən bütün biznes subyektləri rəsmən ləğv ediləcək.