Mobil Tətbiq
Tbilisi uşaq bağçalarında tətillər və yeni qaydalar: valideynlər nələri bilməlidir?
Yeni sistem uşaq bağçalarında tərbiyə prosesinin idarə olunmasını əhəmiyyətli dərəcədə yaxşılaşdıracaq, – deyə Tbilisi meri Kaxa Kaladze bildirib.
Xeber.ge xeber verir ki,
Uşaq bağçalarının İdarəetmə Agentliyi bağçalarda elektron giriş sisteminin tətbiqini başa çatdırıb. Layihə çərçivəsində müəssisələrdə kart-oxuyucu qurğular və videomüşahidə sistemləri quraşdırılıb. Müvafiq təlimlər müəssisə rəhbərliyi və agentliyin sahə mütəxəssisləri üçün keçirilib.
“Hazırda valideynlərlə məlumatlandırıcı görüşlər keçirilir ki, 15 yanvar 2026-cı ildən etibarən uşaqların bağçalara qəbulu fasiləsiz həyata keçirilsin”, – deyə Kaladze şəhər hökumətinin iclasında bildirib.
Valideynlərin rahatlığı üçün www.tbilisikids.com portalında uşaq bağçasına daxil olmaq üçün istifadə oluna bilən birdəfəlik QR-kodun yaradılması funksiyası əlçatan olacaq. Bundan əlavə, hər bir uşağa kartın itirilməsi və ya uşağı müxtəlif ailə üzvlərinin bağçaya gətirməsi halları nəzərə alınaraq səkkizədək plastik kart təqdim ediləcək.
“Layihədə uşaqların və əməkdaşların elektron qeydiyyatı zamanı yarana biləcək bütün hallar – iş qrafikinin xüsusiyyətləri və xüsusi təhsil ehtiyacları olan uşaqlar üçün fərdi iştirak cədvəlləri nəzərə alınıb”, – deyə meri əlavə edib.
Kaladze vurğulayıb ki, yeni sistem tərbiyə prosesinin və maliyyə idarəçiliyinin xeyli yaxşılaşdırılmasına şərait yaradacaq. Elektron uçot uşaqların və əməkdaşların davamiyyətinin yüz faiz dəqiqliklə qeydə alınmasını təmin edəcək, həmçinin insan resurslarına, vaxta və maddi xərclərə qənaət etməyə imkan verəcək.
Elektron sistem 16 sentyabr 2025-ci ildən paytaxtın 20 uşaq bağçasında sınaq rejimində tətbiq edilib və merin sözlərinə görə, bu müddət ərzində heç bir texniki nasazlıq aşkar olunmayıb.
