Şəxsi həyata dair kadrlar işi üzrə saxlanılan keçmiş polisə 60 000 lari girov kəsildi

Zuqdidi Rayon Məhkəməsi şəxsi həyatın məxfiliyini pozmaqda və təqibdə təqsirləndirilən keçmiş polis əməkdaşı Davit Çitanava barəsində 60 000 lari məbləğində həbsli girov (səlahiyyətli şəxs məbləği ödəyənədək həbsdə qalmaq şərtilə) qətimkan tədbiri seçib.

XEBER .GE xəbər verir ki, müttəhim müəyyən olunmuş məbləği ödədikdən sonra həbsxanadan azad olunacaq. Prokurorluq məhkəmə prosesində onun barəsində tam həbs qətimkan tədbirinin seçilməsini tələb edirdi.

Məlumata görə, Davit Çitanavanın törətməkdə ittiham olunduğu cinayət əməli ötən il, o, hələ Daxili İşlər Nazirliyinin fəal əməkdaşı olduğu zaman baş verib.

Təqsirləndirilən şəxs "WhatsApp" tətbiqi vasitəsilə 3 zərərçəkənin şəxsi həyatının sırrını əks etdirən fotoşəkilləri qanunsuz əldə edərək saxlayıb.

O, zərərçəkənlərdən birinin şəxsi fotosunu "Messenger" vasitəsilə başqa bir şəxsə göndərib.

Müttəhim zərərçəkən qadını sistemli şəkildə qanunsuz izləyib, onun yaşadığı evin yaxınlığında gəzərək istənməyən kontaktlar qurmağa çalışıb. Nəticədə zərərçəkən şəxs ciddi psixoloji sarsıntı keçirib və həyat tərzini əhəmiyyətli dərəcədə dəyişməyə məcbur olub.