Sürət həddini aşmağa görə cərimələr azaldıldı

Gürcüstan Parlamenti sürət həddinin aşılmasına görə tətbiq edilən cərimələrin azaldılmasını nəzərdə tutan qanun layihəsini dəstəkləyib. İnzibati Xətalar Məcəlləsinə daxil edilən yeni dəyişikliklər artıq təsdiqlənib.

  XEBER.GE  xəbər verir ki, qəbul edilən dəyişikliklərə əsasən, cərimə məbləğləri və sürücülük vəsiqəsindən tutulan ballar aşağıdakı qaydada azaldılıb və ya saxlanılıb:

Yeni cərimə məbləğləri:

• Sürəti 15-30 km/saat arası aşmağa görə: Cərimə 100 laridən 50 lariyə endirilib.
• Sürəti 30-40 km/saat arası aşmağa görə: Cərimə dəyişməz qalaraq 100 lari təşkil edir.
• Sürəti 40-50 km/saat arası aşmağa görə: Cərimə 300 laridən 100 lariyə endirilib.
• Sürəti 50 km/saatdan çox aşmağa görə: Yüksək sanksiya qüvvədə saxlanılıb – 300 lari.

Yeniliklər sürücülərin bal limitinə (bal sisteminə) də müsbət təsir göstərib:

• Sürəti 15-30 km/saat arası aşan sürücülərdən 10 bal çıxılacaq.
• Sürəti 30-50 km/saat arası aşan sürücülərdən əvvəlki 20 bal əvəzinə cəmi 10 bal çıxılacaq.
• Sürəti 50 km/saatdan çox aşan sürücülərdən isə 20 bal silinəcək.

Məlumat üçün qeyd edək ki, indi azaldılan bu cərimələr cari ilin 1 may tarixindən etibarən Lakin daxil olan şikayətlər və narazılıqlardan sonra qanunverici orqan sanksiyaları yenidən yumşaltmaq məcburiyyətində qalıb.