Siğnağidə bir nəfər ov tüfəngi ilə vurulub

Gürcüstanın Kaxeti bölgəsində, Siğnaği bələdiyyəsində qanlı hesablaşma baş verib.

Xeber.ge xəbər verir ki, Gürcüstan Daxili İşlər Nazirliyindən bildirilib ki, yanvarın 10-da baş vermiş hadisə zamanı təqsirləndirilən şəxs aralarında yaranmış mübahisə zəminində 1989-cu il təvəllüdlü G.L.-yə ov tüfəngindən atəş açaraq ona ağır xəsarət yetirib və hadisə yerindən qaçıb.

DİN-in Kaxeti Polisi Departamentinin Siğnaği Rayon İdarəsinin əməkdaşları tərəfindən bir neçə gün davam edən əməliyyat-axtarış tədbirləri nəticəsində, sağlamlığa qəsdən ağır zərər vurmaqda ittiham olunan 1990-cu il təvəllüdlü G.M. saxlanılıb.

Yaralı şəxs xəstəxanaya yerləşdirilib, ona zəruri tibbi yardım göstərilir.

Faktla bağlı Gürcüstan Cinayət Məcəlləsinin 117-ci maddəsi (sağlamlığa qəsdən ağır zərər vurma) ilə istintaq aparılır. Saxlanılan şəxsi 7 ilədək müddətə azadlıqdan məhrumetmə cəzası gözləyir.