Prokurorluq intim materialların gizli saxlanılması və istifadəsi ilə bağlı bir nəfəri saxladı

Prokurorluq, şəxsi həyatın sirrinin qanunsuz yolla əldə edilməsi, saxlanılması və istifadəsi faktı ilə bağlı bir nəfərin həbs olunduğunu bildirib.

Xeber.ge xəbər verir ki, qurumun məlumatına əsasən, təqsirləndirilən şəxs "Instagram" sosial şəbəkəsi vasitəsilə müxtəlif şəxslərlə yazışarkən, zərərçəkənlərin razılığı olmadan, onların göndərdiyi intim məzmunlu foto və video materiallarını gizli şəkildə saxlayırdı. İstintaq həmçinin müəyyən edib ki, təqsirləndirilən şəxs azyaşlılardan birini, əgər onunla münasibətləri davam etdirməsə, qanunsuz yolla əldə etdiyi materialları yayacağı ilə hədələyirdi.

Həbs olunan şəxsə qarşı Gürcüstan Cinayət Məcəlləsinin 157-ci maddəsinin prim hissəsinin birinci bəndi ilə (şəxsi həyatın sirrinin qanunsuz yolla əldə edilməsi, saxlanılması və yayılması) ittiham irəli sürülüb ki, bu da 7 ilədək azadlıqdan məhrumetmə cəzasını nəzərdə tutur.

Prokurorluq əməkdaşları məhkəmə qərarı əsasında təqsirləndirilən şəxsi 7 oktyabr tarixində həbs ediblər. Hazırda zərərçəkən şəxslərin kimliyinin müəyyən edilməsi və onların dindirilməsi prosesi davam edir.

Prokurorluq təqsirləndirilən şəxs barədə həbs qətimkan tədbirinin seçilməsi üçün qanunla müəyyən edilmiş müddətdə məhkəməyə müraciət edəcək.