Karelidə motosiklet qəzası: Ölən var

Gürcüstanın Kareli rayonunda ölümlə nəticələnən ağır yol-nəqliyyat hadisəsi baş verib.

Xeber.ge xəbər verir ki, qəza nəticəsində motosikletin sürücüsü aldığı xəsarətlərdən hadisə yerində dünyasını dəyişib.

Gürcüstan Daxili İşlər Nazirliyindən bildirilib ki, faktla bağlı ölkənin Cinayət Məcəlləsinin 276-cı maddəsinin 6-cı hissəsi (nəqliyyat vasitələrinin hərəkət təhlükəsizliyi və ya istismar qaydalarının pozulması, ehtiyatsızlıqdan insan ölümünə səbəb olduqda) ilə istintaq başladılıb.

Hazırda hadisənin dəqiq başvermə səbəbləri araşdırılır.