İtaliya polisi 44 gürcünü aldatmada və saxta sənədlərdən istifadədə ittiham edir

İtaliyada gürcü qadınlara qarşı istintaq başladılıb. İstintaq məlumatına görə, 44 nəfər sənədlərin saxtalaşdırılması və fırıldaqçılıqda ittiham olunur - Modenada yaşayan Gürcüstan vətəndaşları, ehtimal olunur ki, Litva saxta pasportları ilə işləyiblər və sosial, vergi güzəştləri və bank kreditləri almağı bacarıblar.

Xeber.ge xeber  verir ki, ilk mərhələdə polis 13 gürcü miqrantı həbs edib. İtaliya mətbuatının məlumatına görə, onlar sorğudan sonra müvəqqəti olaraq azad ediliblər, lakin hamısı polis nəzarəti altında qalır.

İşdə daha iki Gürcüstan vətəndaşı var - bir kişi və 53 yaşlı qadın; istintaq versiyasına görə, o, Modenaya yeni gələnlərə yaşayış yeri təklif edib və qeyri-qanuni fəaliyyətin təşkilinə kömək edib.