Gürcüstanla Almaniya münasibətləri pozula bilər
Almaniyanın Gürcüstandakı səfiri Peter Fişer ölkədəki son hadisələrlə bağlı narahatlığını ifadə edib.
O, sosial şəbəkə platforması X-də paylaşdığı bəyanatda Gürcüstan hökumətinin hazırkı siyasi kursunun Avropa İttifaqına inteqrasiya perspektivlərini və Almaniya ilə münasibətləri təhlükə altına ala biləcəyini bildirib.
"Saxlanılanların ailələrindən narahatedici məlumatlar eşitmişik. Əgər Gürcüstan indiki yolda davam etsə, Aİ-yə üzvlük perspektivini və Almaniya ilə münasibətlərini riskə atacaq. Bu, Gürcüstana olan hörmətim və dostluğum naminə verdiyim səmimi qiymətləndirmədir", – deyə səfir qeyd edib.
Fişer həmçinin vurğulayıb ki, 39 ildir Almaniya hökumətində çalışır və yalnız Almaniya Xarici İşlər Nazirliyindən göstəriş alır, “uydurma Deep State”dən deyil.
Səfirin bu açıqlaması Gürcüstanda baş verən son siyasi gərginlik fonunda Avropa İttifaqı və Almaniyanın artan narahatlığının göstəricisi kimi qiymətləndirilir.
mənbə: interpress
