Gürcüstanın dövlət borcu 9,2 milyard dollara çatıb

Gürcüstanın Maliyyə Nazirliyi 2026-cı ilin aprel ayına olan dövlət borcu ilə bağlı statistik məlumatları açıqlayıb.

Xeber.ge xəbər verir ki, ölkənin ümumi dövlət borcu 9,2 milyard ABŞ dollarına yüksəlib ki, bu da illik müqayisədə 183 milyon dollardan çox artım deməkdir.

Maliyyə Nazirliyi borcun artmasını son bir il ərzində hökumətin imzaladığı yeni kredit sazişləri ilə əlaqələndirir.

 Bu vəsaitlər əsasən iri infrastruktur layihələrinə yönəldilib.

Xüsusilə, Batumi-Sarpi magistralı və tunelinin tikintisi üçün Asiya İnkişaf Bankı (ADB) ilə imzalanmış 360 milyon dollarlıq saziş borc portfelində mühüm yer tutur.

Kreditorlar üzrə bölgü (aprel 2026):

Gürcüstanın xarici borcunun böyük hissəsi beynəlxalq maliyyə institutlarının payına düşür:

Siyahıda həmçinin ABŞ, Avstriya, Küveyt və digər donor təşkilatlara olan kiçik həcmli borclar da yer alır.

Qeyd olunub ki, ölkənin xarici borc portfeli əsasən uzunmüddətli və güzəştli kreditlərdən ibarətdir.