Gürcüstan pasportu bölgədə yenidən ən güclü pasportdur

Gürcüstan pasportu regionda ən güclü pasport olaraq qalır və hər il beynəlxalq Henley & Partners şirkəti tərəfindən tərtib edilən Dünya Pasportları Dəyəri İndeksində 46-cı yeri tutur.

Xeber.ge xəbər verir ki, yeni reytinqə görə, Gürcüstan iki pillə geriləyərək Dünya Pasportları Dəyəri İndeksində 44-cü yerdən 46-cı yerə keçib.

Ən son məlumatlara görə, Gürcüstan vətəndaşları viza tələb olunmadan dünyanın 123 ölkəsinə səyahət edə bilirlər.

Gürcüstanla qonşu ölkələrə gəldikdə, Rusiya 50-ci yerdədir və onun vətəndaşları viza olmadan 114 ölkəyə səyahət edə bilirlər. 51-ci yerdə Türkiyədir (113 ölkə), Azərbaycan 72-ci yeri tutur (71 ölkə), Ermənistan isə 72-ci yerdədir (67 ölkə).