Dünyanın ən kiçik avtonom robotları yaradıldı

Pensilvaniya və Miçiqan universitetlərinin alimləri xarici idarəetmə olmadan proqramlaşdırıla və işləyə bilən kiçik avtonom robotlar hazırlayıblar.

Xeber.ge xeber  verir ki, hər bir robotun ölçüsü təxminən 200 x 300 x 50 mikrometr ölçüsünə malikdir, bu da duz dənəsindən kiçikdir.

Robotlar miniatür kompüterlər və sensorlarla təchiz olunub, işıqla qidalanır və mürəkkəb trayektoriyalar üzrə hərəkət edə, temperatura reaksiya verə və davranışlarını ətraf mühit şəraitinə uyğunlaşdıra bilirlər.

Bu mikrorobotlar Selsi şkalası üzrə dərəcənin üçdə biri dəqiqliyi ilə temperaturu avtonom şəkildə ölçmək qabiliyyətinə malikdirlər ki, bu da ayrı-ayrı hüceyrələrin sağlamlığını müşahidə etmək üçün imkanlar açır.

mənbə: oxu.az