Dövlət Təhlükəsizliyi Xidmətinin rəisi istefa verib

"Dövlət Təhlükəsizliyi Xidmətinin rəisi vəzifəsini tərk etmək qərarına gəldim. Siyasi komanda ilə məsləhətləşmələr nəticəsində fəaliyyətimi başqa qurumda davam etdirəcəyəm, orada yenə də bütün məsuliyyətlə ölkəmizin və cəmiyyətimizin mənafelərinə xidmət edəcəyəm.

XEBER.GE xeber  verir ki, Dövlət Təhlükəsizliyi Xidmətinin rəisi vəzifəsində işləmək mənim üçün ölkəmizə xidmət etmək üçün böyük məsuliyyət və imkan idi. Bu dövr ərzində xidmətin hər bir əməkdaşı ilə birlikdə fəaliyyətimiz dövlət qarşısında duran çağırışların səmərəli şəkildə dəf edilməsinə, Gürcüstanın təhlükəsizliyinin möhkəmləndirilməsinə və milli maraqların qorunmasına yönəlmişdi.

Dövlət Təhlükəsizliyi Xidmətinin hər bir əməkdaşına peşəkarlığına, fədakarlığına və ölkəmizin təhlükəsizliyi naminə hər gün həyata keçirdikləri mühüm fəaliyyətə görə xüsusi təşəkkürümü bildirmək istəyirəm.

Siyasi komandaya, xüsusilə də partiyanın fəxri sədri Bidzina İvanişviliyə və baş nazir İrakli Kobaxidzeyə göstərdikləri etimada görə təşəkkür edirəm.

Əminəm ki, Dövlət Təhlükəsizliyi Xidməti gələcəkdə də ona həvalə edilmiş mühüm tapşırıqların yerinə yetirilməsini və ölkənin təhlükəsizliyinin qorunmasını layiqincə davam etdirəcəkdir".