DİN: Narkotik cinayətləri ittihamı ilə 4 nəfər saxlanılıb
Daxili İşlər Nazirliyinin Sameqrelo-Yuxarı Svaneti Polis Departamentinin Senaki, Martvili və Zuğdidi Rayon İdarələrinin əməkdaşları tərəfindən müxtəlif vaxtlarda keçirilən əməliyyat tədbirləri və istintaq hərəkətləri nəticəsində narkotik cinayətləri ittihamı ilə 4 nəfər saxlanılıb.
Xeber.ge xəbər verir ki,
Qurumun məlumatına görə, hüquq-mühafizə orqanlarının əməkdaşları narkotik cinayətləri ittihamı ilə saxlanılan şəxslərin üzərlərinə, avtomobillərinə və müvəqqəti yaşayış yerlərinə baxış zamanı satmaq üçün hazırlanmış külli miqdarda müxtəlif növ narkotik vasitələr, o cümlədən 74 bükümdə qablaşdırılmış "Amfetamin", "Metadon" və "Marixuana" maddi sübut kimi götürüblər.
İstintaq Cinayət Məcəlləsinin 260-cı maddəsinin 2-ci və 3-cü hissələrinin "a" bəndi, eləcə də 260-cı kvarta maddəsinin 6-cı hissəsinin "a" bəndi ilə aparılır.
