Batumidə Türkiyə vətəndaşı həmyaşıdını bıçaqlayıb

Gürcüstanın kurort şəhəri Batumidə Türkiyə vətəndaşları arasında qanlı insident baş verib.

Xeber.ge xəbər verir ki, Daxili İşlər Nazirliyi qəsdən adam öldürməyə cəhd ittihamı ilə bir nəfəri saxlayıb.

DİN-in Acara Polis Departamentinin əməkdaşları tərəfindən həyata keçirilən əməliyyat nəticəsində 1998-ci il təvəllüdlü Türkiyə vətəndaşı D.Ş. yaxalanıb. İstintaqla müəyyən edilib ki, təqsirləndirilən şəxs Batumi şəhərində həmyerlisi, 1981-ci il təvəllüdlü A.F.-yə soyuq silahla (bıçaqla) ağır xəsarətlər yetirib.

Yaralı şəxs dərhal klinikaya yerləşdirilib və ona zəruri tibbi yardım göstərilib. Hazırda zərərçəkmişin müalicəsi davam edir.

Hüquq-mühafizə orqanları cinayət aləti olan bıçağı maddi sübut kimi götürüblər. Faktla bağlı Gürcüstan Cinayət Məcəlləsinin 19-108-ci maddəsi (Qəsdən adam öldürməyə cəhd) ilə cinayət işi başlanılıb.

Bu maddə üzrə təqsiri sübuta yetiriləcəyi təqdirdə, saxlanılan şəxsi 15 ilədək müddətə azadlıqdan məhrumetmə cəzası gözləyir.