Avtobus dayanacaqda olanlara çırpılıb – İki nəfər yaralanıb

Tbilisidə, Dolidze küçəsində avtobus dayanacaqda dayanan piyadalara çırpılıb.

Hadisə nəticəsində iki nəfər xəsarət alıb.

Daxili İşlər Nazirliyindən bildirilib ki, baş verən hadisə ilə bağlı Gürcüstan Cinayət Məcəlləsinin 276-cı maddəsi üzrə istintaq başlanıb. Bu maddə nəqliyyatın hərəkət təhlükəsizliyinin və ya istismar qaydalarının pozulmasını nəzərdə tutur.

Yaralılar xəstəxanaya aparılıb. Onların sağlamlıq vəziyyəti barədə əlavə məlumat hələlik məlum deyil.

Hadisənin təfərrüatlarını istintaq araşdırır.

mənbə: interpress