Abituriyentlər bir neçə fakültə və universitet seçə bilməyəcək

Yeni modelə görə, abituriyentlər artıq birdən çox fakültə və universitet seçə bilməyəcəklər, çünki əsas məqsəd yalnız yüksək bal toplayan tələbələrin qəbul olunması olacaq.

Xeber.ge xeber  verir ki, hazırkı modeldə abituriyentlər istədikləri fakültələri işarələyərək bir neçə universitet seçə bilirlər və əgər balına görə birinci universitetə düşmürsə, ikinciyə, üçüncüyə və ya dördüncüyə qəbul ola bilir.  Bu isə təhsilin keyfiyyətinin aşağı düşməsinə səbəb olur.

Yeni modeldə belə imkan olmayacaq — əsas vəzifə yalnız yüksək ixtisaslı, yüksək bal toplayan tələbələrin qəbulunu təmin etməkdir, çünki əsas məqsəd bu sahədə keyfiyyəti artırmaqdır.

Qeyd edək ki, dəyişiklik universitetlər üzrə dövlət qrantları modelinə də aiddir. Yeni qaydalara əsasən, 2026-cı ildən etibarən dövlət universitetlərinə qəbul olunan bütün tələbələr pulsuz təhsil alacaqlar.

Özəl universitetlərə gəlincə, hazırda təhsil alan tələbələr mövcud qrantlarını saxlayacaqlar. 2026-cı ildən etibarən isə özəl ali məktəblərin birinci kurs tələbələri dövlət tərəfindən maliyyələşdirilməyəcək.