Yeni seçkilərə qədər keçid dövründə sabitliyi təmin etmək üçün prezident postunda qalıram

Mən prezident postunda qalıram, çünki bu ölkədə sabitlik lazımdır. Hər şey dağılır. Bu ölkədə “Gürcü arzusu”nun hökmranlığı altında Prezident institutundan başqa bir dənə də olsun müstəqil qurum qalmadı. Bütün digər qurumlarda birpartiyalı, partiyada isə bir nəfərin hakimiyyəti üstünlük təşkil edir.

Bu barədə Gürcüstan prezidenti Salome Zurabişvili BBC-yə müsahibəsində bildirib.

Onun sözlərinə görə, hər gün daha çox insan etiraz etmək üçün küçələrə çıxır.

“Amma ölkədə daha vacib və qeyri-adi olan odur ki, biz nazirliklərdə, müxtəlif qurumlarda dövlət xidmətlərini tərk edənlərin şahidi oluruq. Gürcüstan üçün də yenidir ki, hər bir şəhərdə kortəbii etirazlar keçirilir, adətən Tbilisi istənilən formada etirazın mərkəzi olub. Siyasi partiyalar parlamentə daxil olmayıb və olmayacaq. Beləliklə, biz bu dərin böhrandayıq və bizə ən çox ehtiyac duyduğumuz şey sabitlikdir. İnanıram ki, mən keçid dövrü üçün bu sabitliyi təklif edirəm, çünki insanların küçələrdə tələb etdikləri və etiraz etdikləri bu ölkəni Avropa yoluna qaytarmaq üçün yeni seçkilərin keçirilməsi tələbidir", - prezident deyib.

“Gürcü Arzusu” bu tələbə məhəl qoymasa, nə baş verəcək” sualına prezident belə cavab verib:

"Bəs onlara məhəl qoymasaq necə olacaq?" Güman edirəm ki, bu insanlar küçələrdə belə edirlər. Zorakılığa baxmayaraq, onlara qarşı tətbiq olunan gücdən asılı olmayaraq, onların gücündə heç bir dəyişiklik yoxdur”, - prezident bildirib.

O, ölkədə sabitliyə, seçkilərə hazırlıqlara ehtiyac olduğunu və keçid dövrünün mümkün qədər qısa və sabit olmasının vacibliyini vurğulayıb.

“Prezident postunda qalacağam, milli format şurası, siyasi partiyalar, vətəndaş cəmiyyəti aksiyanın siyasi hissəsində mənə kömək edəcək, çünki çox kortəbii olan küçə aksiyasına rəhbərlik etməyəcəyəm. Bizə sabitlik lazımdır və seçkilərə hazırlaşmalıyıq. Bu baxımdan Avropa Parlamentinin də yeni seçkilərin keçirilməsini tələb edən qətnaməsi dekabrın ortalarında Avropa Şurasının qərarı olacaq və onların Gürcüstana göndərdiyi texniki missiya bizə  nəhayət azad və ədalətli seçkiləri keçirmək üçün şərtlərini müzakirə etməyə kömək edəcək.  Deməli, bu, keçid dövrü olmalıdır və keçid dövrü mümkün qədər qısa və mümkün qədər sabit olmalıdır”, - prezident bildirib.

“Özünü təhlükəsiz hiss edirsənmi və həbs oluna biləcəyini düşünürsənmi” sualına prezident deyib.

“Mən belə düşünmürəm”.
“Küçədəki insanlar məni qoruyur. İnanıram ki, bu gün hakim partiya çox təcrid olunub və getdikcə daha da təklənəcək. İndi bizim hamımız üçün vacib olan və ümid edirəm ki, onlar buna öyrəşəcəklər, sabit keçid dövrü, onları hakimiyyətdən tamamilə qovmayacaq yeni seçkilər, azad və ədalətli seçkilərin verəcəkləri qədər qalacaqlar. Onların parlamentdə mandatı var”, - deyə prezident bildirib.

mənbə: interpress