“TV Pirveli"nin çəkiliş qrupu hücuma məruz qalıb-VİDEO

“TV Pirveli"nin çəkiliş qrupu hücuma məruz qalıb.

Jurnalist Maka Çixladze və operator Giorgi Şetsiruli yaralanıb.

Onların hər ikisi maska ​​taxan şəxslər tərəfindən fiziki təzyiqə məruz qaldıqlarını bildirir.

“Bizdə məlumat var idi ki, Besiki küçəsində “tituşkalar” aksiya iştirakçılarına hücum edir, onlara mitinqə gəlmək imkanı verilmir. Yenicə gəlmişdik ki, əlbəyaxa davanın getdiyini gördük və təbii ki, çəkilişlərə başladıq. Bir neçə nəfər, yəqin ki, 30-dan çox adam peyda oldu. Hamı eyni qara maska ​​taxmışdı. Onları müəyyən etmək mümkün deyildi, çünki yalnız gözləri görünürdü. Məni yerə yıxdılar, döydülər. Bu zaman operator Giorgi Şetsirulidən hər şeyi aldılar. Onlardan biri “qızdır, başını burax” desə də, hər halda məni təpikləyib getdi. "Nəyi işıqlandırırsınız, gedin buradan”  dedilər. Onların bizim informasiya siyasətimizlə bağlı problemi var idi. Mikrofonu zorla əlimdən aldılar".

mənbə: interpress