Tsaltuboda evdə ər-arvadın meyiti tapılıb

Gürcüstanın Tsaltubo şəhərində yaşayış mənzilində dəhşətli hadisə baş verib.

Xeber.ge "Mega TV" kanalına istinadən verdiyi məlumata görə, mənzildə ər-arvad ölü vəziyyətdə aşkar edilib.

İlkin ehtimala görə, cütlüyün ölümünə dəm qazı sızması (və ya təbii qaz sızması) səbəb olub. Mənbənin bildirdiyinə görə, vəfat edən qadın Tsaltubo Təcili Tibbi Yardım Stansiyasının həkimi olub. Hazırda hadisə yerində ekspert-kriminalistlər işləyir və ölümün dəqiq səbəbi ekspertizadan sonra bəlli olacaq.

Faktla bağlı Gürcüstan Cinayət Məcəlləsinin 115-ci maddəsi (Özünü öldürmə həddinə çatdırma) ilə istintaq başladılıb. Qeyd edək ki, Gürcüstan qanunvericiliyinə görə, ölüm səbəbi tam dəqiqləşənə qədər bu növ hadisələr standart olaraq qeyd olunan maddə ilə araşdırılır.