Müxalifət lideri Levan Xabeişvili barəsində həbs qərarı çıxarıldı

Gürcüstanın ana müxalifət partiyası olan "Vahid Milli Hərəkat"ın Siyasi Şurasının sədri Levan Xabeişvili məhkəmə tərəfindən təqsirli bilinib.

Xeber.ge xəbər verir ki, məhkəmənin qərarı ilə müxalifətçi siyasətçiyə qarşı irəli sürülən ittiham maddəsi dəyişdirilib və ona həbs cəzası kəsilib.

  Məhkəmə prosesində Levan Xabeişvilinin işi üzrə Gürcüstan Cinayət Məcəlləsinin 339-cu maddəsi (rüşvət vermə/aktiv rüşvətxorluq) Cinayət Məcəlləsinin 318-ci maddəsinin 1-ci hissəsinə (təxribat/sabotaj) tövsif edilib (yenidən təsnifləndirilib).

Bu dəyişikliyin ardınca hakim Levan Xabeişvilinin 2 il 6 ay müddətinə azadlıqdan məhrum edilməsi barədə qəti hökm çıxarıb.

  Məlumatda qeyd olunur ki, müxalifət lideri barəsində yekun qərarın və hökmün elan olunduğu məhkəmə iclasında Levan Xabeişvili özü şəxsən iştirak etməyib. Hökm onun qiyabında elan edilib.