Gürcüstanın sabiq müdafiə nazirinin əmlakı müsadirə olunur

Gürcüstanın sabiq müdafiə naziri Cuanşer Burçuladze və onun ailə üzvlərinin illər boyu topladığı daşınar və daşınmaz əmlakları dövlət xeyrinə müsadirə ediləcək.

Xeber.ge xeber  verir ki, "Ordunun talanması" işi üzrə prokurorluq öz yekun mövqeyini açıqlayıb. İttiham tərəfi sabiq nazirlə prosessual razılaşma imzalamaqdan imtina edib və onun üçün qanunla nəzərdə tutulmuş maksimum cəza tələb edib.

İstintaq materiallarına görə, müsadirə olunacaq aktivlər arasında aşağıdakılar var:

·         İspaniyanın Malaqa şəhərindəki 5 ulduzlu kurortda yerləşən villa;

·         Tbilisinin Bagebi rayonunda lüks mənzil;

·         Avtomobil dayanacağı;

·         "Badam bağları" (Nushis Baghebi) rezidensiyasındakı mülk.

 Məlumata görə, Müdafiə Nazirliyinin Satınalmalar Xidmətinin rəhbəri Vladimer Quduşauri istintaqla əməkdaşlıq edərək nazirin əleyhinə ifadə verdiyi üçün onunla prosessual razılaşma imzalanacaq.

Lakin sabiq nazirin müavini Giorgi Xaindrava və Burçuladzenin özünə cəzanın yüngülləşdirilməsi barədə rədd cavabı verilib.