Paytaxt Tbilisidə etiraz aksiyaları davam edir
Gürcüstanın paytaxtı Tbilisinin Rustaveli prospektində etiraz aksiyaları davam edir.
Parlamentin qarşısına toplanan nümayişçilər orada quraşdırılan şam ağacı konstruksiyasına aksiyalar zamanı yaralanan və döyülən insanların fotolarını, həmçinin Gürcüstan və Avropa İttifaqının bayraqlarını asıblar. Prospekt avtomobillərin hərəkəti üçün bağıdır.
Vətəndaşlar cinayətkarların müəyyən edilərək cəzalandırılmasını, həmçinin etiraz aksiyaları zamanı həbs olunanların azadlığa buraxılmasını tələb edirlər.
Xatırladaq ki, Rustaveli prospektində etiraz aksiyası artıq on birinci gündür ki, davam edir.
mənbə: apa
