Ozurgetidə qanlı qonşu davası

Gürcüstanın Quriya bölgəsində ölüm ləvazimatı ilə nəticələnən ağır cinayət hadisəsi baş verib.

Xeber.ge xəbər verir ki, Daxili İşlər Nazirliyi Ozurgeti bələdiyyəsinin kəndlərindən birində baş vermiş qətl hadisəsi ilə bağlı 24 yaşlı G.Ç.-ni saxlayıb.

Hüquq-mühafizə orqanları tərəfindən "isti izlər"lə keçirilən əməliyyat-istintaq tədbirləri nəticəsində müəyyən edilib ki, təqsirləndirilən şəxs qonşusu, 1968-ci il təvəllüdlü G.M.-nin yaşadığı evə gələrək onunla mübahisə edib. Münaqişə zəminində G.Ç. soyuq silahdan (bıçaqdan) istifadə edərək qonşusuna ağır xəsarətlər yetirib və hadisə yerindən qaçıb.

Aldığı xəsarətlər nəticəsində 58 yaşlı G.M. hadisə yerindəcə dünyasını dəyişib.

Polis əməkdaşlarının çevik müdaxiləsi nəticəsində şübhəli şəxs qısa müddətdə yaxalanaraq istintaqa təhvil verilib. Cinayət aləti olan bıçaq maddi sübut qismində götürülüb.

Faktla bağlı Gürcüstan Cinayət Məcəlləsinin 108-ci maddəsi (Qəsdən adam öldürmə) ilə cinayət işi başlanılıb.

Bu maddə üzrə təqsiri sübuta yetiriləcəyi təqdirdə, saxlanılan şəxsi 15 ilədək müddətə azadlıqdan məhrumetmə cəzası gözləyir.