Gürcüstanda genişmiqyaslı xüsusi əməliyyat – 9 nəfər saxlanıldı

Daxili İşlər Nazirliyinin məlumatına görə, Mərkəzi Cinayət Polisi Departamenti, Patrul Polisi, Tbilisi, Acarıstan, Rça-Leçxumi və Aşağı Svaneti, eləcə də İmereti polis departamentlərinin əməkdaşları tərəfindən müxtəlif vaxtlarda aparılmış əməliyyat-axtarış və istintaq tədbirləri nəticəsində qanunsuz odlu silahlar və döyüş sursatı ələ keçirilib.

Xeber.ge xeber  verir ki, nazirliyin açıqlamasına əsasən, saxlanılan şəxslərdən birindən narkotik maddələr də aşkarlanıb.

İstintaq Gürcüstan Cinayət Məcəlləsinin 236-cı, 239-cu və 260-cı maddələri ilə aparılır. Bu maddələrə görə 7 ilədək azadlıqdan məhrumetmə cəzası nəzərdə tutulur.