Karakasda partlayışlar davam edir-VİDEO

Partlayışların baş verdiyi Karakas səmasında ən azı doqquz helikopter uçub.

Xeber.ge xeber  verir ki, bu barədə "NBC News"a istinadən məlumat verir.

Telekanal qeyd edib ki, şəhərdə partlayışlar davam edir, uçan helikopterlərin səsi eşidilir.

"El País"in məlumatına görə, Venesuela paytaxtı və ölkənin digər ərazilərində baş verən partlayışlar hərbi obyektlər və hava limanları yaxınlığında eşidilib.

Nəşrin məlumatında deyilir ki, ilkin məlumatlara əsasən, Venesuela paytaxtının cənubunda yerləşən və tamamilə elektrik enerjisiz qalan Karakasın əsas aviabazası olan Fuerte-Tiuna hərbi bazasına bir neçə hava zərbəsi endirilib.

Partlayışlardan bir neçə dəqiqə sonra uzaqda böyük yanğın, onun ardınca isə nəhəng boz tüstü buludu müşahidə olunub.

"El País" qeyd edib ki, Karakasdakı La Karlota aviabazasına və Huqo Çavesin qalıqlarının basdırıldığı Dağ kazarmaları kimi digər hərbi obyektlərə, eləcə də Marakay, La Quayra və mərkəzi sahildəki İquerote hava limanına hücumlar təsdiqlənib.

Sosial şəbəkə istifadəçilərinin paylaşdıqları videolarda şəhər səmasında helikopterlərin uçduğu görünür.

mənbə: report.az