“Qanun layihəsini “Rus”adlandırmağa ehtiyac yox idi “

Gürcüstanda “Xarici təsirin şəffaflığı haqqında” qanun layihəsini Rusiyanın təsiri ilə əlaqələndirmək olmaz.

Bu  sözləri Rusiya prezidentinin mətbuat katibi Dmitri Peskov jurnalistlərə açıqlamasında bildirib.

“Bu qanun layihəsini rus adlandırmağa ehtiyac yox idi. Məsələ burasındadır ki, bəlkə də FARA ilə çıxış edən Amerika Birləşmiş Ştatları öz daxili siyasi gigiyenasına diqqət yetirməyə başladı. Bu praktikanı tətbiq edənlər onlar idi. Ona görə də bu, Rusiyanın [praktikası] deyil, özlərini xarici təsirlərdən - daxili siyasətə xarici təsirdən qorumaq üçün hər şeyi edən bir çox dövlətlər üçün normal bir təcrübədir”, - Peskov bildirib.

Onun sözlərinə görə, bütün ölkələr bu və ya digər formada tədbirlər görür, lakin bütün qanun layihələri bir məqsədə xidmət edir.

“Onlar bu daxili siyasi prosesdən anti-Rusiya əhval-ruhiyyəsini qızışdırmaq üçün alət kimi istifadə etməyə çalışırlar - bu impulsların Gürcüstan daxilindən gəlməsi şübhə doğurur. Təbii ki, kənardan gəlirlər, biz bunu mükəmməl başa düşürük. Biz isə baş verənləri müşahidə edirik”, - deyə Peskov bildirib.