Qərb İsveçin NATO-ya daxil olmasını sürətləndirmək üçün Türkiyəyə təzyiqi artırır

Qərb İsveçin NATO-ya daxil olmasını sürətləndirmək üçün Türkiyəyə təzyiqi artırır

01 Iyun 2023 - 08:16

428

Ərdoğan qeyd edib ki, alyansa daxil olan ölkənin terrorla mübarizə məsələsində qəti mövqeyi olmalıdır.

Xeber.ge xəbər verir ki, Stokholm tərəfindən yeni antiterror qanunvericiliyi qəbul edildikdən sonra Qərb ölkələri İsveçin NATO-ya daxil olmasını sürətləndirmək üçün Ankaraya təzyiqləri artırıb.

"Financial Times" bu barədə yazıb.

Nəşr çərşənbə axşamı İsveçə səfəri zamanı ABŞ dövlət katibi Entoni Blinkenin sözlərini xatırladıb. Blinken İsveçin NATO-ya üzvlüyü məsələsində irəliləyişin vaxtının çatdığını və bunun alyansın Vilnüsdə keçiriləcək 11 iyul sammitindən əvvəl baş verməsini arzuladığını söyləyib.

Eyni zamanda, ekspertlər Türkiyənin indiyədək Konqres tərəfindən əngəllənən F-16 qırıcılarının alınması ilə bağlı ABŞ-la müqavilə bağlamaq istəyi səbəbindən prosesin dalana dirəndiyini də istisna etmirlər.

Vaşinqtonun Yaxın Şərq Siyasəti İnstitutunun Türkiyə araşdırma proqramının direktoru Soner Çağaptay hesab edir ki, ABŞ konqresmenləri Türkiyə Prezidenti Rəcəb Tayyib Ərdoğandan İsveçin NATO-ya daxil olmasını sövdələşmə əldə edilməmişdən əvvəl tələb edəcəklər ki, bu da Ankaranın müqavimətinə səbəb ola bilər.

Xatırladaq ki, İsveçin Şimali Atlantika Alyansına qoşulması prosesi Türkiyədə terrorda ittiham olunan şəxslərin ekstradisiyası ilə bağlı tələblərə əməl edilməməsi ilə əlaqədar Türkiyə tərəfi tərəfindən əngəllənmişdi.

Yeri gəlmişkən, Amerika lideri Co Bayden bildirib ki, o, Prezident Ərdoğanı yenidən ölkə başçısı seçilməsi münasibətilə nəinki təbrik edib, həm də onunla bir sıra strateji məsələləri müzakirə edib. Amerika Birləşmiş Ştatlarının Prezidenti "daha ətraflı söhbətin" gələn həftə baş tutacağını dəqiqləşdirib. Bundan əlavə, onun sözlərinə görə, Vaşinqton Amerikanın F-16 qırıcıları məsələsində Ərdoğanla "hələ də işləmək istəyir".

Bundan əvvəl Ərdoğan bildirib ki, Türkiyə İsveçi NATO-nun bir hissəsi kimi görməyə hazır deyil. O qeyd edib ki, alyansa daxil olan ölkənin terrorla mübarizə məsələsində qəti mövqeyi olmalıdır.

mənbə: sputnik.az

Xəbər lenti

ABŞ-dan Gürcüstana XƏBƏRDARLIQ
2024-04-26 22:22

Avroparlamentarilərin tələb və şantaj cəhdlərinin Gürcüstan üçün dəyəri yoxdur
2024-04-26 21:50

“Gürcü Arzusu”nun mərkəzi ofisində təcili iclas keçirilir
2024-04-26 21:09

Qaratəhlə kəndində ağırlaşdırıcı şəraitdə qəsdən adam öldürməkdə təqsirli bilinən iki nəfər 20-20 il müddətinə azadlıqdan mərhum edilib
2024-04-26 20:52

Aytac Şahmarovanın anası və dayısı ilə bağlı hökmün bu tarixdə açıqlanacağı gözlənilir
2024-04-26 20:38

27 aprel üçün xarici valyutanın rəsmi məzənnəsi
2024-04-26 20:14

Viza liberallaşdırılması ləğv edilməyəcək...
2024-04-26 15:26

“ Biz viza liberallaşdırılmasına başladıq, amma onlar da hamı kimi bunu geriyə götürdülər”
2024-04-26 15:24

Poniçalada din xadimini bıçaqlayan şəxs saxlanıldı
2024-04-26 15:20

Daxili İşlər Nazirliyinin əməkdaşı zor tətbiq etmə faktı ilə ifşa edilib
2024-04-26 13:50