Avropa Parlamentində Gürcüstanda “xarici agentlər” haqqında qanun layihəsi ilə bağlı qətnamə layihəsi səsə qoyulur

Avropa Parlamentində Gürcüstanda “xarici agentlər” haqqında qanun layihəsi ilə bağlı qətnamə layihəsi səsə qoyulur

25 Aprel 2024 - 06:36

133

Bu gün Avropa Parlamentində Gürcüstanda “xarici agentlər” haqqında qanun layihəsi ilə bağlı qətnaməyə səsvermə keçiriləcək.

Bu barədə məlumat Avropa Parlamentinin rəsmi saytında dərc olunub.

O cümlədən, aprelin 23-də Avropa Parlamentində “Gürcüstanda xarici agentlər qanununun yenidən tətbiqinə cəhdlər və onun vətəndaş cəmiyyətinə məhdudiyyətləri haqqında” qətnamə layihəsinin müzakirəsi, aprelin 25-də isə qətnamə üzrə səsvermə keçiriləcək.

Qətnamənin əsas mətninin xülasə layihəsinin müəllifi Avropa Parlamentinin 5 müxtəlif partiyasından olan 40 deputatdır.

Qətnamə layihəsinin icmal variantında qeyd edilir ki, sözügedən qanun layihəsi Avropa Komissiyasının Gürcüstana təqdim etdiyi 9 addımdan ikisini, yəni 1-ci addımı (Avropa İttifaqı və onun dəyərlərinə qarşı yönəlmiş dezinformasiya ilə mübarizəni nəzərdə tutur) və 9-cu addımı (bu, vətəndaş cəmiyyətinin fəaliyyət azadlığının təmin edilməsini nəzərdə tutur) pozur.

Qeyd olunur ki, Avropa İttifaqı namizəd ölkə kimi Gürcüstandan Assosiasiya Sazişinə və digər beynəlxalq öhdəliklərə, o cümlədən Avropa Komissiyasının 2023-cü il noyabrın 8-də verdiyi tövsiyələrə əməl etməsini gözləyir. O da qeyd olunur ki, Avropa Şurası Gürcüstana namizəd statusunun verilməsinə yalnız Tbilisinin bu addımları atacağına əsaslanaraq qərar verib.
Bundan əlavə, layihədə bildirilir ki, Avropa Parlamenti əvvəlki qətnamələrində Gürcüstanın siyasətində və iqtisadiyyatında oliqarx maraqlarının dağıdıcı rolunun azaldılması ilə bağlı çağırışlar edib ki, bu da jurnalistlərin və siyasi opponentlərin, xüsusən də Gürcüstanın siyasi motivli təqibində özünü göstərirdi. Xüsusilə Avropa Parlamenti keçmiş prezident Mixeil Saakaşvilininhumanitar əsaslarla azadlığa buraxılmasını da tələb edirdi.

Qətnamə layihəsinin mətninə əsasən, “xarici agentlər haqqında” qanun layihəsi Avropa İttifaqının dəyərlərinə və demokratik prinsiplərinə, Gürcüstanın Aİ-yə üzvlük ambisiyalarına ziddir, Gürcüstanın beynəlxalq reputasiyasına xələl gətirir və ölkənin Avro-Atlantik istəklərini təhlükə altına qoyur.

Həmçinin qeyd olunur ki, Gürcüstanın Avropa İttifaqına daxil olması ilə bağlı danışıqlar sözügedən qanun layihəsi ölkənin hüquqi nizamnaməsinə daxil olana qədər açılmamalıdır.

mənbə: interpress

Xəbər lenti

Baş nazir Asiya İnkişaf Bankının prezidenti ilə görüşüb
2024-05-04 13:50

Bəzi “WhatsApp” istifadəçiləri bloklanacaqlar
2024-05-04 12:47

Orqanizmi xərçəngdən qoruyan VİTAMİN
2024-05-04 12:36

Aİ Şurasının prezidenti ilə Gürcüstanın baş naziri arasında telefon danışığı olub
2024-05-04 12:15

“Gürcüstan dönüş nöqtəsindədir, gürcü xalqının istədiyi və layiq olduğu yola qayıtmaq üçün hələ imkan var”
2024-05-04 11:58

Gürcüstandakı hadisələrdə Rusiya izi yoxdur
2024-05-03 22:59

Tbilisidə “Şəffaflıq Qanunu”na qarşı aksiya keçirilir
2024-05-03 22:03

Salome Zurabişvili ölkədə baş verənlərlə bağlı Şarl Mişel ilə telefon danışığı aparıb
2024-05-03 20:43

Prezident ofşor qanununa veto qoydu
2024-05-03 19:49

Gürcüstan DİN: Ötən gün 23 etirazçı həbs olunub
2024-05-03 19:04