Ketevan Dedopali prospektinin tam reabilitasiyasına başlanılıb

Ketevan Dedopali prospektinin tam reabilitasiyasına başlanılıb

20 Yanvar 2022 - 20:57

134552

Xeber.ge saytı xəbər verir ki, İsani rayonunda Ketevan Dedopali prospektinin tam deabilitasiyasına başlanılıb, – bu barədə paytaxtın meri Kaxa Kaladze Tbilisi bələdiyyəsinin hökumətinin iclasında danışıb.

Onun qeyd etdiyi kimi, infrastruktur işləri bir neçə mərhələdə aparılacaq və birinci mərhələdə Ketevan Dedopali prospektində yeraltı kommunikasiyalar bərpa olunacaq.

“Biz Ketevan Dedopali prospektinin tam bərpasına başlayırıq. İnfrastruktur layihəsinə metronun Avlabari stansiyasının yaxınlığından yeni təmir edilmiş Lex Kaçinski küçəsinə qədər iki kilometrlik yol daxildir. İşlər bir neçə mərhələyə bölünəcək. Birinci mərhələ yeraltı kommunikasiyaların təşkilidir. Kanalizasiya və su boruları yenilənəcək, drenaj sistemi qurulacaq, eləcə də yeraltı elektrik xətləri çəkiləcək. Prospektdə yeni işıqlandırma sistemi və avtobus zolaqları təşkil olunacaq. Həmçinin, yeraltı zibil qutuları quraşdırılacaq”, – deyə Kaxa Kaladze bildirib.

Onun sözlərinə görə, bərpa işləri zamanı nəqliyyatın hərəkəti qismən məhdudlaşdırılacaq. Bu mərhələdə metronun “Avlabari” stansiyasından Telavi küçəsi ilə kəsişməsinə qədər olan yol hissəsi bağlanacaq.

Bununla belə, paytaxt meri yaranmış narahatlığa görə əhalidən üzr istəyib və qeyd edib ki, müəyyən məhdudiyyətlər olmadan prospektdə tam bərpa işləri aparıla bilməz.

“Küçə tamamilə bağlanmayacaq. İstəyirik ki, avtomobillərin hərəkətinə müəyyən qədər icazə verilsin. Birinci mərhələdə metronun “Avlabari” stansiyasından Telavi küçəsi ilə kəsişməsinə qədər olan yol hissəsi bağlanacaq. Layihə yeddi aydan səkkiz aya qədər davam edəcək. Tbilisi meriyası artıq həm şəxsi, həm də ictimai nəqliyyat üçün alternativ marşrutlar haqqında ətraflı məlumat yayıb. Bütün maraqlı şəxslər qeyd olunan məlumatlarla Tbilisi meriyasının rəsmi saytında tanış ola bilərlər. İşlər zamanı təbii ki, gecikmələr olacaq. Bunun üçün ictimaiyyətdən üzr istəyirəm.. Biz istəmirik ki, iş səthi olsun, yalnız asfalt olsun. Bizim digər infrastruktur layihələrimizin icrası zamanı olduğu kimi burada da hər şey tənzimlənəcək”, – deyə Tbilisi meri bildirib.

Xəbər lenti

27 il yerin altında qalan şaxtaçı SAĞ TAPILDI
2024-04-25 23:09

Gürcüstan müxalifəti yeni mitinq elan etdi
2024-04-25 22:21

Orban qondarma liberal təbliğatına qarşı möhkəm dayanan, təqlid olunmalı bir nümunədir
2024-04-25 22:14

Gürcüstanla bağlı Avropa Parlamentində qəbul edilən qərarı "biabırçı" adlandırıb
2024-04-25 22:10

Gənc oğlan şəhərin mərkəzində güllələndi
2024-04-25 21:03

Qardabanidə qətl törədilib
2024-04-25 20:58

Analoji qətnamələrin yaradıcısı olan insanlar şüurlu və ya şüursuz şəkildə ölkəmizə ziyan vurmağa xidmət edirlər
2024-04-25 20:53

3 yaşlı uşağı avtomobil vurub
2024-04-25 19:49

Aprelin 29-dək olan hava proqnozu açıqlandı
2024-04-25 19:44

Avropa Parlamenti Gürcüstanla bağlı qətnamə qəbul etdi
2024-04-25 19:41

26 aprel üçün xarici valyutanın rəsmi məzənnəsi
2024-04-25 19:12