"Sürücülər maşının bir hissəsini dəyişdirməkdənsə, cərimə ödəməyə üstünlük verirlər"

"Sürücülər maşının bir hissəsini dəyişdirməkdənsə, cərimə ödəməyə üstünlük verirlər"

02 Fevral 2023 - 07:39

438

Özəl sektor illərdir texniki baxış islahatının həyata keçirilməsindən danışır. Biznes nümayəndələrinin dediyinə görə, texniki baxış mərkəzlərinə müraciətlər hələ də azdır.

Biznes problemlərdən biri kimi smart kameraların nasazlığını göstərir.

Ətraf Mühitin Mühafizəsi və Təbii Sərvətlər Komitəsinin sədri Maia Bitadze deyib ki, smart kameralarla texniki baxışdan keçməyən avtomobillərə görə cərimələrin sayı artıb. Lakin buna baxmayaraq, Bitadze hələ də islahatların tempindən razı deyil.

Onun sözlərinə görə, Gürcüstan parlamenti texniki baxışdan keçməməsi halında təkrar cərimələrin artırılması üzərində işləyir. Maia Bitadze deyib ki, artıq parlamentdə qanun layihəsinin dinləmələri başlayıb. Onun sözlərinə görə, qanun yaxın vaxtlarda qəbul olunacaq və bu, islahatın özünə müsbət təsir göstərəcək.

“Ağıllı kameralarla cərimələnən avtomobillərin sayının 3 dəfə artmasına baxmayaraq, texniki baxışa müraciət vacib olduğu qədər deyil. Bu da onun göstəricisidir ki, şəxs avtomobilin bir hissəsini dəyişdirməkdənsə, texniki baxışdan keçməyəndə 50 lari məbləğində cərimə ödəməyə üstünlük verir. Ona görə də biz artan cərimə sistemini tətbiq edirik, qanun layihəsi bizim komitənin təşəbbüsü ilə Gürcüstan parlamentinə təqdim edilib və məhdudlaşdırıcı amillərdən biri olacaq”, - deyə Ətraf Mühitin Mühafizəsi və Təbii Sərvətlər Komitəsinin sədri bildirib.

Məlumat üçün bildirək ki, atmosfer havasının çirklənməsinin azaldılması məqsədilə texniki nasazlığı olan avtonəqliyyat vasitələrinin hərəkətinə qarşı sanksiyaların sərtləşdirilməsi nəzərdə tutulur.

Dəyişiklik texniki baxışdan keçmək öhdəliyinin yerinə yetirilməməsi ilə bağlı sanksiyaların sərtləşdirilməsini nəzərdə tutur.

Maia Bitadze ötən il demişdi ki, texniki baxışdan keçməməyə görə indi qüvvədə olan ilkin cərimə dəyişməz qalacaq, lakin subyekt ilk cərimədən sonra avtomobilini texniki baxışdan keçirməsə, sanksiya 150 - dən 700 lariyə qədər olacaq.

mənbə: interpress

Xəbər lenti

Netanyahu geri çəkilir
2023-03-27 15:02

Namaz qılmayan şəxs oruc tuta bilər?
2023-03-27 14:59

Yəməndə hər 10 dəqiqədə 1 uşaq ölür
2023-03-27 14:54

Səhiyyə naziri Mixeil Saakaşviliyə baş çəkəcəkmi?
2023-03-27 14:00

İrakli Ğaribaşvili Mixeil Saakaşviliyə mükafat verilməsinə belə münasibət bildirdi
2023-03-27 13:57

Gürcüstandan Azərbaycana qanunsuz keçmək istəyən şəxs saxlanılıb
2023-03-27 12:18

Ərəb ölkələri birləşdi - Sərt bəyanatlar
2023-03-27 11:32

Allah taala dərgahında bəyənilən oruc hansı üç xüsusiyyətə malik olmalıdır?!
2023-03-27 11:04

Avro-2024: Daha 8 oyun keçiriləcək
2023-03-27 10:06

Böyrəklərin sağlamlığını qoruyan 5 super məhsul
2023-03-27 10:00