Xabeişvili polisə müqavimət göstərib, bu zaman xəsarət alıb

Xabeişvili polisə müqavimət göstərib, bu zaman xəsarət alıb

01 May 2024 - 15:55

192

Daxili işlər nazirinin müavini Aleksandre Daraxvelidze “Vahid Milli Hərəkat”ın sədri Levan Xabeişvilinin xüsusi təyinatlılar tərəfindən döyülməsi faktını təsdiqləmir. Daraxvelidze bugünkü brifinqdə bildirib ki, Xabeişvili özü polis kordonuna şuğuyub və polislərə müqavimət göstərib və bu zaman o, xəsarət alıb.

“İctimaiyyət yaxşı gördü və müxtəlif kanalların canlı yayımlarında açıq şəkildə görünürdü ki, təkcə aksiya iştirakçıları deyil, müxalifət partiyalarının liderləri də davamlı olaraq zorakılıq hərəkətləri edirdilər. “Milli Hərəkat”ın sədri Levan Xabeişvilinin hərəkəti kadrlarda da görünür. O, polislərin fəaliyyətinə mane olmaq məqsədilə polis kordonunu soxularaq onlara müqavimət göstərib və bu zaman xəsarət alıb. Levan Xabeişvili dərhal tibb müəssisəsinə aparılıb. Bununla əlaqədar müvafiq xidmətlər lazımi istintaq hərəkətlərinin aparılmasını təmin edəcək”, - deyə Aleksandre Daraxvelidze bildirib.

“Vahid Milli Hərəkat”ın sədri, parlamentin üzvü Levan Xabeişvili rus qanununa etiraz edən zaman fiziki təzyiqə məruz qalıb. Siyasətçinin sözlərinə görə, ona qarşı məqsədyönlü cəza tədbirini Xüsusi Təyinatlar Departamentinin direktoru Zviad Xarazişvili, eyni adlı “Xareba” həyata keçirib. Levan Xabeişvili İnqorokva klinikasında yerləşdirilib. Onun burun sümükləri, dişləri və gözü zədələnib.

“Levan Xabeişvilinin qaçırılmasının necə baş verdiyinin şahidləri var. O, xüsusi təyinatlıların hərəkətlərindən təsirlənən gənclərdən birinə kömək etməyə çalışıb. Həmin vaxt xüsusi təyinatlılar hücuma keçib, onu qaçırıb, nümunəvi şəkildə cəzalandırıblar. Təbii ki, bu, həmin təhdid, xüsusi təyinatlıların rəhbəri “Xareba” və onun dəstəsi ilə bağlıdır. Bu, Bidzina İvanişvilinin şəxsi qrupudur, onlar xüsusi təyinatlılar və ya polislər deyil. Bunlar gəncləri küçədə döyən, ayrı-ayrılıqda təqib edən, əvvəlki aksiyalarda qrup şəklində Xabeişvilini söyən, indi onu qaçırıb nümunəvi şəkildə cəzalandıran cəza qruplarıdır. Əldə etdiyimiz məlumata görə, onu döyüb patrul maşınına mindirib gətirib, qoyub gediblər. Onu hansı ekipajın gətirdiyini və ya Levanı onlara kimin təhvil verdiyini bilmirik”, - deyə Daxili İşlər Nazirinin hadisəyə görə məsuliyyətə cəlb olunmasını və Zviad Xarazişviliyə qarşı istintaq başlanılmasını tələb edən “Milli Hərəkat”ın üzvü Levan Bejaşvili bildirib.

Daxili İşlər Nazirliyi rus qanununun əleyhinə keçirilən aksiyada 63 nəfəri həbs edib. Onlarla insanın xəsarət alması ilə nəticələnən dinc aksiyanı dağıtmaq üçün nazirlik bibər qazı, su şırnaqları və gözyaşardıcı qazdan istifadə edib. Kadrlardan da görünür ki, Daxili İşlər Nazirliyinin nümayəndələri səbəbsiz yerə vətəndaşlara hücum edərək döyürlər.

mənbə: sakartvelosambebi

Xəbər lenti

Slovakiyanın Baş nazirinin əməliyyatı uğurlu keçib, həkimlərlə danışır
2024-05-15 22:06

Batumi Dövlət Universitetinin qarşısında "xarici agentlər haqqında" qanuna etiraz aksiyası bərpa olunub
2024-05-15 22:04

Baltikyanı ölkələrin XİN başçıları Tbilisidə etiraz aksiyasına qoşulublar
2024-05-15 21:57

Etiraz aksiyası keçirən tələbələr Qəhrəmanlar Meydanını bağladılar
2024-05-15 20:55

Robert Fitsoya qarşı hücumu qətiyyətlə pisləyirik
2024-05-15 20:50

Slovakiyada atışma - Baş nazir yaralandı - Video
2024-05-15 20:42

Gürcüstan Prezidenti Şarl Mişellə danışıb
2024-05-15 20:06

ATƏT-in fəaliyyətdə olan sədri Gürcüstan Prezidenti ilə görüşüb
2024-05-15 19:59

Bizim aksiyamıza təxminən beş dəfə çox insan gəlmişdi- VİDEO
2024-05-15 19:41

London birjasında Gürcüstan Milli Bankının səhmləri 10 faiz ucuzlaşıb
2024-05-15 19:13