Ukrayna “Georgian Airways”ə qarşı sanksiya tələb edir

Ukrayna “Georgian Airways”ə qarşı sanksiya tələb edir

02 Iyun 2023 - 09:59

547

Ukrayna Gürcüstanla Rusiya arasında birbaşa uçuşlara başlayan “Georgian Airways” aviaşirkətinə qarşı beynəlxalq sanksiyalar tətbiq edilməsini təklif edib.

Bu barədə məlumatı Ukraynanın “Müharibə və Sanksiyalar” - Korrupsiyanın Qarşısının Alınması üzrə Milli Agentliyi yayıb.

Məlumata görə, aviaşirkətdən başqa sanksiya tətbiq edilməsi riski altında olan hüquqi şəxslərin siyahısına “Aero Handling Georgia” şirkəti də daxil edilib. Bu şirkət isə Tbilisi və Moskva arasında uçuşların bərpa edilməsindən 1 ay əvvəl Rusiya aviaşirkətlərinə xidmət üçün yaradılıb.

Bununla yanaşı, Ukrayna tərəfi “Georgian Airways” şirkətinin təsisçisi Tamaz Qaiaşvili və şirkətin sahibi olan qardaşı David Qaiaşviliyə qarşı sanksiyalar tələb edir.

Xatırladaq ki, mayın 19-u Rusiya və Gürcüstan arasında 2019-cu ildən bu yana dayandırılan uçuşlar bərpa edilib. Həmin gün Rusiyanın “Azimut” aviaşirkəti Moskvadan Tbilisiyə uçuş həyata keçirib. Hadisə Tbilisidə sakinlərin etirazı ilə qarşılanıb və aksiya təşkil edilib. Mayın 20-si isə “Georgian Airways” şirkəti Tbilisidən Moskvaya birbaşa uçuşları bərpa edib.

İki ölkə arasında uçuşlar 2019-cu ildə Rusiya tərəfindən təktərəfli qaydada dayandırılıb. Buna səbəb isə Rusiya Dumasının deputatı Sergey Qavrilovun Gürcüstan parlamentində çıxışından sonra Tbilisidə baş verən kütləvi etirazlar olub. Rusiya Prezidenti Vladimir Putin isə mayın 10-u iki ölkə arasında uçuşlara qoyulan qadağanı ləğv edib.

Gürcüstan 1990-cı illərin əvvəlində Abxaziya və Cənubi Osetiya üzərində nəzarəti itirib. 2008-ci ilin avqustunda baş verən müharibədən sonra isə Rusiya həmin ərazilərin müstəqilliyini tanıyıb, Gürcüstan isə cavab olaraq Rusiya ilə diplomatik əlaqələrini kəsib.

mənbə: qafqazinfo

Xəbər lenti

Cənab Bidzinaya aidiyyatı yoxdur, amma olsa belə, nə olsun ki?
2024-04-19 12:35

6 partiya: rus qanununun ikinci oxunuş günü üçün tam səfərbərlik elan edirik
2024-04-19 12:26

Qarşıdan gələn seçkilər gürcü kabusundan qurtulmaq üçün həlledici olacaq
2024-04-19 12:23

İranlı general İsfahanda heç bir dağıntının olmadığını bildirib
2024-04-19 12:05

Gənclər bu gün Parlament qarşısında aksiya keçirəcəklər
2024-04-19 11:54

“Xarici təsir” qanunu Aİ-yə üzvlük danışıqlarına başlanılmasının qarşısını almaq üçündür
2024-04-19 11:16

İran səmasında İsaril PUA-ları VURULDU
2024-04-19 10:54

“İrana raket hücumu olmayıb”
2024-04-19 10:45

Zurabişvili: “Xarici təsir” qanunu Aİ-yə üzvlük danışıqlarına başlanılmasının qarşısını almaq üçündür
2024-04-18 22:58

Ukrayna XİN: Gürcüstan üçün real təhdid
2024-04-18 22:45