Gürcüstan ABŞ-ın "sanksiya hədəsi"nə cavab verdi

Gürcüstan ABŞ-ın "sanksiya hədəsi"nə cavab verdi

03 Fevral 2023 - 14:41

134502

Tbilisi ABŞ Dövlət Departamentinin sanksiyalar tətbiq etmək hədələrinə cavab verib.

Rəsmi Tbilisi Gürcüstan və Rusiya arasında hava nəqliyyatının mümkün bərpasından narahat olan ABŞ Dövlət Departamentinin gürcü şirkətlərinə qarşı sanksiyalar tətbiq etmək hədələrini cavabsız qoymayıb.

“Biri deyir ki, bizim üçün sanksiyaları aradan qaldıracaqlar. Biri deyir ki, şirkətlər cəzalandırılmalıdır. Amma bu, bizdən asılı deyil. Uçuşlarla bağlı mövqeyimiz sadədir. Rusiyada 800 min Gürcüstan vətəndaşı yaşayır, əgər Rusiya Federasiyası sanksiyaları ləğv etsə və uçuşları bərpa etsə, bu, onların qərarı olacaq. Biz bunu ancaq alqışlayırıq. Bu, həmvətənlərimiz üçün rahatlıq yaradacaq”, - deyə hakim “Gürcü Arzusu” partiyasının sədri İrakli Kobaxidze bildirib.

Yanvarın 18-də Rusiyanın xarici işlər naziri Sergey Lavrov bildirib ki, Gürcüstanın anti-Rusiya sanksiyalarına qoşulmaq üçün Qərbin təzyiqlərinə qarşı müqaviməti alqışalayiqdir:

“Biz Gürcüstanın, demək olar ki, bütün digər ölkələr kimi, Rusiya Federasiyasına qarşı sanksiyalara qoşulmağı tələb edən Qərbin təzyiqi altında olduğunu görürük. Kiçik bir ölkənin və onun hökumətinin öz maraqlarını və iqtisadiyyatının maraqlarını rəhbər tutacaqlarını söyləməyə cəsarət göstərməsi isə hörmət tələb edir”.

Lavrov qeyd edib ki, Gürcüstanla əlaqələr fəal inkişaf edir.

“Mənə dedilər ki, ötən il onların ÜDM-i 10% artıb – böyük ölçüdə Rusiya ilə turizm və ticarət əlaqələrinin sayəsində. Ümid edirəm ki, biz də tezliklə birbaşa uçuşları bərpa edə biləcəyik”, - deyə nazir bildirib.

Gürcüstan hökuməti cavab olaraq bildirib ki, uçuşların bərpası Rusiyada yaşayan gürcülərin maraqlarına cavab verir.

ABŞ-ın Gürcüstandakı səfiri Kelli Deqnan isə gürcülərin əksəriyyəti adından bildirib ki, onlar uçuşların bərpasına deyil, rus ordusunun Abxaziya və Cənubi Osetiyadan çıxarılmasına üstünlük verəcəklər.

ABŞ Dövlət Departamenti də öz növbəsində bildirib ki, onlar Rusiya və Gürcüstan arasında uçuşların bərpasından narahatdırlar.

mənbə: publika

Xəbər lenti

”Avropa İttifaqına daxil olmaq Gürcüstanın və gürcü xalqının əsas xarici-siyasi prioritetidir“
2024-04-25 14:37

İnsanabənzər robotların buraxılış tarixi AÇIQLANDI
2024-04-25 13:56

Alimlər 150 dəqiqə ərzində sintetik almaz yarada biliblər
2024-04-25 13:49

Gürcüstan Prokurorluğu irimiqyaslı transmilli cinayətin üzərini açıb
2024-04-25 13:45

Mestia şəhərinin meri Kapiton Jorjoliani bəyannaməsində əmlakını gizlədir
2024-04-25 12:24

Rustavi N1 poliklinikasının direktoru və həkimi Misir vətəndaşına pul müqabilində saxta arayış hazırlayıb
2024-04-25 12:21

Quranda ilahi qəza və qədər və emosional nizam-intizam
2024-04-25 10:59

Avropa Parlamentində Gürcüstanda “xarici agentlər” haqqında qanun layihəsi ilə bağlı qətnamə layihəsi səsə qoyulur
2024-04-25 10:36

Holland aktyor müsəlman oldu
2024-04-25 10:18