Gürcüstanda 20 Yanvar şəhidlərinin yaxınları ziyarət olunub

Gürcüstanda 20 Yanvar şəhidlərinin yaxınları ziyarət olunub

19 Yanvar 2022 - 19:52

134499

20 Yanvar faciəsinin 32-ci ildönümü ilə əlaqədar Gürcüstan əsilli şəhidlərin yaxınları ziyarət olunub.

Ənənəvi ziyarətdə Azərbaycanın Gürcüstandakı səfiri Faiq Quliyev və səfirlik əməkdaşları, Gürcüstandakı Azərbaycanlı İş Adamları Birliyinin (AZEBİ) İdarə Heyətinin sədri Nəriman Qurbanov iştirak ediblər.

İlk öncə Bolnisi rayonunun Talaveri (Faxralı) kənd qəbirstanlığında şəhid İlqar Əhmədovun məzarı ziyarət olunub, ruhuna dualar oxunub.

Şəhidin müəllimi və sinif rəhbəri olmuş Cümşüd Gülməmmədov çıxış edərək deyib ki, İ.Əhmədov əlaçı və nümunəvi şagird olub: "Biz İlqar Əhmədovun timsalında bütün şəhidlərimizlə fəxr edirik. Azərbaycan səfirliyinə şəhidin xatirəsini əziz tutduğuna görə minnətdarlığımızı bildiririk".

Kənd sakinləri adından çıxış edən Fatma Əliyeva deyib ki, Qanlı Yanvardan 30 ildən çox vaxt keçsə də, Azərbaycan müstəqillik uğrunda canlarından keçən övladlarını unutmur: "Azərbaycanın 44 günlük Vətən Müharibəsində əldə etdiyi Qələbədən sonra İlqar Əhmədov və bütün şəhidlərin ruhu rahatlıq tapıb. İşğal olunan torpaqların azad edilməsi həm də 20 Yanvar şəhidlərinin qanının alınması demək idi".

Daha sonra söz alan səfir F.Quliyev şəhidlərin xatirəsinin hər zaman milli iftixar hissi ilə anıldığı və onların ailələrinin qayğılarının diqqətdə saxlanıldığını deyib. 20 Yanvar faciəsinin tariximizin qəhrəmanlıq səhifəsi olduğunu vurğulayan səfir şəhidin yaxınlarına səbr diləyib.

Marneuli rayonunun Kirəc -Muğanlı kəndində digər şəhid Vəfadar Eminovun qardaşı Etibar Eminovun ailəsi də ziyarət olunub. Anım mərasimində kənd sakinləri və ağsaqqalları iştirak edib.

F.Quliyev şəhidin yaxınlarına başsağlığı verib. O deyib ki, Gürcüstandakı soydaşlarımızın ürəyi hər zaman - istər sovet dönəmində, istərsə də müstəqillik illərində mənəvi vətənləri olan Azərbaycanla bir döyünüb: "Birinci və ikinci Qarabağ müharibəsində 56 soydaşımız şəhid olub. Azərbaycanın müstəqilliyi və ərazi bütövlüyü uğrunda həlak olan qəhrəman şəhidlərimiz bizim qürur mənbəyimizdir. Allah bütün şəhidlərimizə rəhmət eləsin, onların ruhları qarşısında baş əyirik".

Soydaşlarımız şəhidin xatirəsinin hər zaman yad olunduğuna görə Azərbaycan dövləti və səfirliyə minnətdarlıqlarını bildiriblər.

Digər şəhidlər – Tengiz Turabov, Ələsgər Qayıbov, Rəşid İsmayılov, İsmayıl Mursaqulovun yaxınlarına da baş çəkilib. Səfirliyin təşəbbüsü və AZEBİ-nin dəstəyi ilə hər bir şəhid ailəsinə ərzaq sovqatı təqdim edilib.

mənbə: report

Xəbər lenti

Tbilisidə keçirilən etiraz aksiyaları zamanı beş polis yaralanıb
2024-04-19 20:35

Liluaşvili: Zuqdidi və Rustavi Sakrebulolarında Milli Hərəkat və Gürcü arzusu arasında razılaşma əldə olunub
2024-04-19 20:32

Saraçlı kəndində amansızlıqla qətlə yetirilən İsə Hüseynovun atası danışdı -VİDEO
2024-04-19 20:27

Nazir Aleko Elisaşvilinin işi ilə bağlı suala belə cavab verib
2024-04-19 20:23

20 aprel üçün xarici valyutanın rəsmi məzənnəsi
2024-04-19 19:35

Gürcüstan DTX Rusiyanın Abxaziyada inşa etdiyi limanla bağlı xəbərdarlıq edib
2024-04-19 15:15

NATO “xarici agentlər” qanununun Gürcüstan parlamentində qəbul edilməsindən narahatdır
2024-04-19 15:12

Cənab Bidzinaya aidiyyatı yoxdur, amma olsa belə, nə olsun ki?
2024-04-19 12:35

6 partiya: rus qanununun ikinci oxunuş günü üçün tam səfərbərlik elan edirik
2024-04-19 12:26

Qarşıdan gələn seçkilər gürcü kabusundan qurtulmaq üçün həlledici olacaq
2024-04-19 12:23