Ailə bəşər tarixində həmişə mühüm yer tutmuş və insanların cəmiyyətə çevrilməsinə səbəb olmuşdur. Tarixə nəzər saldıqda ilk cəmiyyətin ailədən ibarət olduğunu görürük.

Qurani-Kərim bu məsələyə toxunur və ilk yaradılan insanın ailə şəklində yaşadığını bildirir.
Şübhəsiz ki, insanlığın təməli ailədir.
Qahirə Universitetinin Tarix fakültəsinin ədəbiyyat üzrə fəlsəfə doktoru, Quran alimi və İslam tarixçisi Fatimə Hafiz “Qurani-Kərimə görə ailənin qurulmasının məqsədləri” başlıqlı məqaləsində bu sözləri söyləyib:
"Qurani-Kərim ailəyə xüsusi önəm verir və bir çox ayələrdə onun əhəmiyyətini vurğulayır."
“Rum” surəsinin 21-ci ayəsində belə buyurulur: "Onların yanında aramlıq tapasınız deyə sizin üçün (mələklərdən, cinlərdən və başqa məxluqlardan deyil) öz cinsinizdən zövcələr yaratmağı və sizin aranızda (ər-arvadın, yaxud insanların arasında) dostluq əlaqəsi, batini mehr-məhəbbət yaratması onun nişanələrindəndir, həqiqətən, bunda düşünən bir qövm üçün (Allahın tovhidi, qüdrəti və hikmətinə dair) nişanələr vardır".
Quranda 25 yerdə “əhl” sözünün mənasını ifadə edən sözlər işlədilir. Əhli sözü Quranda qan qohumluğuna əsaslanan yaxınlığı ifadə etmək üçün işlədilir. “Ailə” və “xalq” mənasını verən “əhl” sözü də ortaq din, irq və peşə sahibi olan insanlara aiddir.
Ailənin qurulmasında əsas məqsəd üç məfhumun daxil edilməsi kimi müəyyən edilə bilər: “Soyun qorunması, nəslin qorunması və nüfuzun qorunması”.
Quranda ailə qurmağın məqsədləri aşağıdakı kimi təsnif edilir:
1- İnsanlığın qorunması: İslam şəriətinin ailə qurmaqla bağlı məqsədi Nisa surəsinin 1-ci ayəsində belə qeyd olunur: "Ey insanlar, Rəbbinizdən qorxun. O Allah(dan) ki, sizi bir candan (ilk möcüzəvi varlıq kimi torpaq və gildən yaratdığı adam, insan və bəşər adlı canlıdan) yaratdı, onun cinsindən (həmin cür möcüzəvi şəkildə) zövcəsini yaratdı (və onların arasında ər-arvadlıq nikahı bərqərar etdi) və o ikisindən (onların birinci nəslində ilkin şəriət qanunlarına müvafiq olaraq və ya naçarlıqdan bacı ilə qardaşın evlənməsi və ya qızlar üçün Cənnət oğlanları, oğlanlar üçün isə Cənnət qızları nazil etmək yolu ilə) çoxlu kişi və qadın (törədib) yaydı. Adı ilə bir-birinizdən bir şey istədiyiniz Allahdan və qohumlar(la əlaqəni kəsməkdən və bağlılıq tellərini qırmaq)dan qorxun. Həqiqətən, Allah daim sizə nəzarət edir".
Quranda vurğulanan başqa bir məsələ də nəslin qorunmasıdır. Digər bir məsələ isə insana xas olan və onları heyvanlardan fərqləndirən tərbiyə və ya təhsil adlanan dəyərlərin və əxlaqın mövcudluğunun qorunub saxlanması ilə bağlıdır. İslamda ailə ilə bağlı çoxlu müddəalar vardır. O cümlədən aliment, qəyyumluq, təhsil, gigiyena, uşaqların tərbiyəsi və müdafiəsi.
2- İffət və paklıq: Ehsan hərfi mənada qorumaq və toxunulmazlıq vermək deməkdir. Bunun fiqhdə iki mənası var: “həyat yoldaşı olmaq” və “iffətli olmaq”.
Quranda ehsanın müxtəlif mənaları var, o cümlədən, evlənmək: "Və (həmçinin) ərli qadınlar - (müharibə zamanı kafirlərdən) əsir düşənlər istisna olmaqla - (sizə haram oldu). (Çünki onların ərsiz əsir düşmələri təlaq hökmündədir.) Bunlar (bu hökmlər) Allahın sizin üçün yazdığı və qərara aldıqlarıdır. Bunlardan (sadalanan on dörd qismdən) başqaları sizə halal oldu ki, günahdan çəkinən və zinadan uzaq halda öz mallarınızla (onlarla evlənmək) istəyəsiniz. (Sadalanan on dörd qismdən başqa) müvəqqəti evləndiyiniz qadınların mehriyyələrini vacib (mal) olaraq ödəyin. Vacib mehriyyə təyin olunduqdan sonra (mehriyyənin aradan götürülməsi və ya onun azaldılıb-çoxalması barəsində aranızda) qarşılıqlı razılığa gəldiyiniz şeydə sizin üçün günah yoxdur. Həqiqətən Allah həmişə (işlərin xeyrini) bilən və (şəriət və xilqətdə) möhkəm yaradılış sahibidir" (Nisa, 24).
İffət: “Mömin, pak və iffətli qadınlara böhtan atanlar dünyada və axirətdə lənətlənmişlər və onlara böyük bir əzab vardır” (Nur: 23).
Azadlıq: “Nisa” surəsinin 24-cü ayəsində ifadə olunub və ehsanın üç mənası var: iffət, evlilik və azadlıq, ailəni qorumaq vəzifələrindəndir.
İslam dinində yaxşılığı yerinə yetirmək üçün bir çox hökmlər vardır.
3 - Aramlıq: Evliliyin əsas məqsədlərindən biri də aramlıqdır və Uca Allah Qurani-Kərimdə “Əraf” surəsinin 189-cu ayəsində buyurur: “Sizi tək nəfsdən yaradan və onunla şad olsun deyə zövcəsini də yaradan Odur".
4- Mərhəmət və şəfqət: Mərhəmət ailənin əxlaqi və mənəvi dəyərini təyin edəndir. Şəfqət ailə və ictimai vəzifələrin yerinə yetirilməsinin təminatıdır.
 “Sad” surəsinin 43-cü ayəsi: “Biz ona Öz tərəfimizdən bir mərhəmət və anlayanlar üçün ibrət olsun deyə onun ailə üzvlərini və onun kimisini bəxş etdik”.
“Rum” surəsinin 21-ci ayəsi: "Onların yanında aramlıq tapasınız deyə sizin üçün (mələklərdən, cinlərdən və başqa məxluqlardan deyil) öz cinsinizdən zövcələr yaratmağı və sizin aranızda (ər-arvadın, yaxud insanların arasında) dostluq əlaqəsi, batini mehr-məhəbbət yaratması onun nişanələrindəndir."
5- İctimai harmoniya: Bir çox elm adamı hesab edir ki, ictimai harmoniyanın artırılması ailənin qurulmasının əsas məqsədlərindən biridir. Ona görə də Allah ailə haqqında danışarkən cəm isimdən istifadə edir. “Nisa” surəsinin 32-ci ayəsi: “Allahın sizi bir-birinizdən üstün etdiyi şeylərə görə təəssüflənməyin. Kişilərin də qazandıqlarından, qadınların da qazandıqlarından öz payı var. Allahın lütfündən istəyin. Şübhəsiz ki, Allah hər şeyi biləndir”.
Qısaca, Qurani-Kərim ailənin qurulmasının məqsədlərini bəyan etmişdir.