Bu gündən Gürcüstanda tətbiq olunan məhduddiyyətlərin bir qismi aradan qalxır

Bu gündən Gürcüstanda tətbiq olunan məhduddiyyətlərin bir qismi aradan qalxır

01 Fevral 2021 - 06:41

134648

Batumi, Zuqdidi, Qori, Poti və Telavidə fevralın 1-dən etibarən bərpa ediləcək:

Xeber.ge saytı xəbər verir ki, bələdiyyə nəqliyyatı, məktəblər, mağazalar və ticarət mərkəzlərinin fəaliyyəti.

Tbilisidə, Kutaisi və Rustavidə:

Fevralın 1-dən etibarən mağazalar və ticarət mərkəzləri yenidən işə başlayacaq;

️Epidemioloji vəziyyətlə əlaqədar olaraq məktəblərin və bələdiyyə nəqliyyatının bərpa edilməsi 1 mart tarixində planlaşdırılır.

15 fevraldan etibarən bütün şəhərlərdə açıq və qapalı bazarlar açılacaqdır.

Acarıstandakı 7 günlük infeksiya nisbətinin 4 %-dən az olduğunu nəzərə alaraq, fevralın 1-dən qida obyektlərinə açıq yerlərdə ziyarətçi qəbul etməyə icazə veriləcəkdir. Toy, müxtəlif sosial tədbirlər və ya məclislərə qoyulan qadağa qüvvədə qalır.

Digər bölgələrdə otellər də daxil olmaqla restoran və qida məntəqələri mövcud rejimdə - çatdırılma xidməti ilə fəaliyyət göstərməyə davam edəcəkdir.

Uşaq bağçalarının işinin bərpası, habelə şagirdlərin peşə və ali təhsil müəssisələrinin auditoriyalara qayıtması 1 mart tarixindən planlaşdırılır.

Lakin:

Ölkə daxilində 21:00-05:00 arası hərəkətə tədbiq olunan məhdudiyyət martın 1-ə qədər qüvvədə qalır;

Artan hərəkətliliyi kompensasiya etmək üçün bələdiyyə nəqliyyatı fevral ayı ərzində həftə sonları istifadə edilə bilməz, restoranlar, qida obyektləri və mağazalar yalnız çatdırılma xidməti ilə işləyəcək;
Aqrar bazarlar, qida və heyvan yemi mağazaları, apteklər müvafiq qaydalara riayət edərək adi qaydada fəaliyyət göstərməyə davam edəcəkdir.

Qış kurort mərkəzləri də daxil olmaqla bütün digər məhdudiyyətlər qüvvədə qalır.

Bu mərhələdə şəhərlərarası nəqliyyatın işi də məhdud olacaq.

Maskadan istifadə, müştəri axınlarının, növbələrin və məsafənin idarə olubması lazımdır, buna ciddi şəkildə nəzarət olunacaq.

Virusun yayılmasını məhdudlaşdırmaq üçün məhdudiyyətləri azaltmaqla yanaşı, müəssisələrdən personalın yoxlanılmasına da diqqət yetirmək tələb olunacaq.

Müəssisələr və mütəxəssislərlə aparılan məsləhətləşmələr epidemioloji risklərə görə hər bir iqtisadi fəaliyyət üçün məcburi test protokollarını müəyyənləşdirdi - minimum işçi sayı və testlərin intensivliyi.

Yarmarkalar da daxil olmaqla, 30-dan çox işçisi olan hər növ ticarət obyektlərinin, 2 həftədə bir dəfə işçilərinin ən azı 20 %-nin test olunması tələb olunur.

İctimai iaşə obyektləri üçün işçilərin 50 %-ni 2 həftədə bir testdən keçirmək məcburi olacaq;

Müəllimlərin sistematik test olunmaları iki həftədə bir dəfə aparılacaqdır.

Müəssisələr xüsusi bir portalda və intensiv testlər çərçivəsində, dövlət maliyyəsi ilə 1 mart tarixinədək işçiləri pulsuz testdən keçirmək imkanı əldə edirlər.

Simptomatik xəstələrin və sistemik qrupların proaktiv testi, dövlət tərəfindən maliyyələşdirilməklə davam edəcək, infeksiya hallarının sürətli aşkarlanması və effektiv idarə olunması asanlaşdırılacaqdır.

Epidemioloji vəziyyət 15 fevral tarixinə qədər qiymətləndiriləcək və ortalama 7 günlük müsbət nisbət 4 %-ə endirilərsə məhdudiyyətlərin daha da azalması davam edəcəkdir.

Koordinasiya Şurası bildirmişdir ki, məhdudiyyətlərin aradan qaldırılması ilə bağlı hər bir sonrakı addım iki həftədə bir dəfə aparılacaq epidemioloji vəziyyətin ciddi monitorinqi və ətraflı təhlilinə əsaslanacaqdır.

Mənbə: Gündəlik Gürcüstan

Xəbər lenti

17 sentyabr üçün xarici valyutanın rəsmi məzənnəsi
2024-09-16 21:18

ABŞ Gürcüstanın 4 vətəndaşına qarşı sanksiyalar tətbiq edib
2024-09-16 21:12

Kobaxidze Ermənistanla Azərbaycana vasitəçilik TƏKLİF ETDİ
2024-09-16 21:10

Gürcüstan-Rusiya sərhədi bağlanacaq
2024-09-16 20:14

Artıq "Whatsapp"dan pul qazana biləcəyik!
2024-09-16 20:11

Husilər ABŞ-nin 10-cu zərbə PUA-sını vurub - VİDEO
2024-09-16 19:05

KİV: COVID-in yeni versiyası dünyada sürətlə yayılır
2024-09-16 16:12

Paşinyan və Kobaxidze Tbilisidə danışıqlar aparır
2024-09-16 16:07

Salome Zurabişvili brifinq keçirəcək
2024-09-16 16:05

Milli Hərəkat üzvü saxlanılıb - DİN-dən bəyanat
2024-09-16 16:03