“Tbilisidə işıqforda avtomobillərdən çıxan zərərli qazlara nəzarət edən və cərimələr tətbiq edən videokameralar quraşdırılacaq”

“Tbilisidə işıqforda avtomobillərdən çıxan zərərli qazlara nəzarət edən və cərimələr tətbiq edən videokameralar quraşdırılacaq”

20 Sentyabr 2024 - 19:16

“Tbilisidə işıqforda avtomobillərdən çıxan zərərli qazlara nəzarət edən və cərimələr tətbiq edən videokameralar quraşdırılacaq”.

Bu barədə “Mənim şəhərim öldürür” hərəkatının təsisçisi Giorgi Caparidze “Business Press News”a bildirib.

Onun sözlərinə görə, müvafiq dəyişikliklər Tbilisinin atmosfer havasının keyfiyyətinin idarə edilməsinin 2024-2026-cı illər üçün fəaliyyət planında yazılıb.

Onun sözlərinə görə, plana əsasən, tikinti tozunun azaldılması istiqamətində də nəzarət gücləndiriləcək, meriyanın müvafiq xidmətinə küçələrin yuyulması üçün lazım olan xüsusi maşınlar əlavə olunacaq, yaşıllaşdırma sahələri əhəmiyyətli dərəcədə artacaq.

“2024-2026-cı illər üçün Tbilisidə havanın keyfiyyətinin idarə edilməsi planının təsdiqlənməsi vacibdir. Şəhərin buna həqiqətən ehtiyacı var. Ətraf Mühitin Mühafizəsi Nazirliyi ilə birlikdə yarım ilə yaxın idi ki, bu plan üzərində iş gedirdi və prosesə avropalı mütəxəssislər də cəlb olunub.

Ətrafın abadlaşdırılması, yolların yuyulması və avtonəqliyyat vasitələrinin tullantılarına nəzarət baxımından tövsiyələrimiz nəzərə alınıb. Buna uyğun olaraq planda həm nəqliyyat, həm tikinti, həm yol, həm də abadlıq istiqamətləri var.

Emissiyaya nəzarət baxımından planda qeyd olunur ki, Tbilisinin hər yerində svetoforda 3 kamera quraşdırılmalıdır ki, bu kameralar avtomobil idarə olunan zaman işlənmiş qazlardakı zərərli maddələrin səviyyəsini avtomatik ölçəcək və cərimə yazacaq. Bu kameralar mobil olacaq və vaxtaşırı öz yerlərini dəyişəcək.

Tikinti istiqamətində mühüm məqam ondan ibarətdir ki, tikinti meydançasında tozun azaldılması üçün tikinti materiallarının, o cümlədən qum və sement tullantıları tozlanmayacaq şəkildə qablaşdırılmalı, qanun pozuntularına görə cərimələr tətbiq edilməlidir.

Özü də yazılıb ki, qeyd olunan 3 ildə paytaxtda yaşıllıqların sahəsi xeyli artırılmalıdır”, - Giorgi Caparidze qeyd edib.

mənbə: interpress

Xəbər lenti

Azan səsindən təsirlənərək İslam dinini qəbul etdi
2024-09-20 22:32

Amerikada koronavirusun yeni ştammı yayılır
2024-09-20 22:22

Alimlər yeni qan qrupu kəşf ediblər - MAL adlanır
2024-09-20 22:18

21 sentyabr üçün xarici valyutanın rəsmi məzənnəsi
2024-09-20 21:56

Donald Trampdan bəyanat: "Mən seçkidə uduzsam, İsrail yox olacaq, Yer üzündən silinəcək"
2024-09-20 14:19

Türkiyə lirəsi dollar qarşısında rekord səviyyədə ucuzlaşıb
2024-09-20 14:17

AB Gürcüstanla vizasız rejimi ləğv edə bilər
2024-09-20 13:25

“Hizbullah” lideri İsraili bütün qırmızı xətləri aşmaqda ittiham edib
2024-09-20 11:04

Hizbullah İsrailin 7 kazarmasına zərbə endirdi
2024-09-20 10:52