Türkiyə Fərid Qurbanovu Tiflisə təhvil verdi

Türkiyə Fərid Qurbanovu Tiflisə təhvil verdi

15 Sentyabr 2024 - 06:32

155

Türkiyə 9 il əvvəl Tiflisdə iş adamı Besarion Xardzianinin sifarişli qətlində ittiham olunan Fərid Qurbanovu Gürcüstana ekstradisiya edib.

Bu barədə Gürcüstan Baş Prokurorluğu məlumat yayıb.

Məlumata görə, F.Qurbanov 2015-ci il aprelin 28-dən İnterpol xətti ilə axtarışa verilib. Qətl 2015-ci il martın 28-də baş verib. Belə ki, Xardziani evinin yaxınlığında güllələnib.

Müstəntiqlərin sözlərinə görə, qətl iki aydan çox müddətdə hazırlanıb. Qurbanov 2015-ci il yanvarın 13-də Ukrayna vətəndaşı Aleksandr Dametovun adına olan saxta pasportdan istifadə edərək Tiflisə gəlib.

O, ortağı ilə birgə növbə ilə Xardzianinin hərəkətlərini izləyib, paltarlarını və nəqliyyat vasitələrini vaxtaşırı dəyişiblər. Qətldən dərhal sonra Qurbanov və şəriki Gürcüstan-Türkiyə sərhədindəki Sarp keçid məntəqəsindən keçərək ölkəni tərk ediblər.

Gürcüstan məhkəməsi Qurbanovu qiyabi olaraq qəsdən adam öldürmə, qanunsuz olaraq odlu silah və hərbi material əldə etmə, saxlama və gəzdirmə, Gürcüstan sərhədini qanunsuz keçmə və saxta rəsmi sənəddən istifadədə təqsirli bilib. O, ömürlük həbs cəzasına məhkum edilib.

Qurbanovun şəriki, xarici ölkə vətəndaşı qətlə köməklik etdiyi üçün qiyabi olaraq 19 il müddətinə azadlıqdan məhrum edilib. Gürcüstan onu da İnterpol xətti ilə (qırmızı bülleten) axtarışa verib.

İş üzrə istintaq qətli sifariş edən şəxsin və digər mümkün şəriklərin müəyyən edilməsi istiqamətində davam etdirilir.

Civil.ge portalının məlumatına görə, Xardziani ictimaiyyətə Tiflisdəki Tısbağa gölündəki kompleksin mülkiyyəti ilə bağlı mübahisə ilə bağlı məlum olub. O, əvvəlki hökumətin - Mixail Saakaşvilinin dövründə qeyri-qanuni olaraq mülkiyyətindən məhrum edildiyini bəyan edən sahibkarlardan idi. Gürcüstanda hakimiyyət dəyişikliyinə qədər Xardziani narkotik ittihamı ilə iki il həbsdə yatıb.

mənbə: axar

Xəbər lenti

Üzüm bağında kişi meyiti tapılıb
2024-09-18 14:05

Gürcüstanın ərazi sularında Hindistan bayrağı altında üzən tanker üzmə qaydalarını pozduğuna görə saxlanılıb
2024-09-18 14:02

Gürcüstanda yağmurlu hava nə vaxtadək davam edəcək?
2024-09-18 13:59

Gürcüstan sərhədini qrup şəklində qanunsuz keçən şəxslər saxlanılıb
2024-09-18 13:57

Borrell Gürcüstanı LGBT təbliğatına qarşı olan qanunu ləğv etməyə çağırıb
2024-09-18 13:33

96 faizi sudan ibarət olan xiyarın inanılmaz faydaları
2024-09-18 12:47

İran səfiri partlayışda gözünü itirib
2024-09-18 12:16

Gürcüstan ABŞ ilə münasibətləri nəzərdən keçirə bilər
2024-09-18 12:03

İsraildən kiber-hücum: peycerlər partladıldı - 11 ölü, 4 min yaralı
2024-09-18 11:52

Gürcüstanda LGBT təbliğatı və cinsiyyətin dəyişdirilməsi qadağan edilib
2024-09-18 11:36