DİN Vahid Milli Hərəkatın bu gün keçirəcəyi etiraz aksiyası ilə bağlı məlumat yayır

DİN Vahid Milli Hərəkatın bu gün keçirəcəyi etiraz aksiyası ilə bağlı məlumat yayır

15 Noyabr 2021 - 08:40

134585

Daxili İşlər Nazirliyi Vahid Milli Hərəkatın bu gün keçirəcəyi etiraz aksiyası ilə bağlı məlumat yayıb.

Qurum vətəndaşları və siyasi liderləri Gürcüstan Konstitusiyasını qorumağa, polis əməkdaşlarının peşəkar fəaliyyətinə hörmətlə yanaşmağa, dinc toplaşmaq haqqında qanunla müəyyən edilmiş həddən kənara çıxmamağa çağırıb.

Onların sözlərinə görə, istənilən qanun pozuntusunun qarşısı polis tərəfindən dərhal alınacaq və bundan sonra müvafiq cavab veriləcək.

"Bu il noyabrın 15-də Tbilisidə “Vahid Milli Hərəkat” siyasi partiyasının təşkilatçılığı ilə etiraz aksiyasının keçirilməsi planlaşdırılır, bu aksiya çərçivəsində nəqliyyat qovşaqlarının, xüsusilə Mtkvarinin sağ və sol sahillərində yolların bağlanması planlaşdırılır.

Aksiyanının bəyan edilmiş məqsədi Tbilisidə nəqliyyatın çökməsinə səbəb olmaqdır.

Gürcüstan qanuna əsasən, toplantı iştirakçılarına qəsdən nəqliyyat vasitələrinin hərəkətinə maneələr yaratmaq qadağandır. Qanuna əsasən, yolun hərəkət hissəsinin nəqliyyat vasitələri, müxtəlif tikililər və/və ya əşyalarla bağlanması yolverilməzdir.

Gürcüstan Daxili İşlər Nazirliyi planlaşdırılan aksiya təşkilatçılarına və iştirakçılarına xatırladır ki, yuxarıda göstərilən qaydaların pozulması İnzibati Xətalar Məcəlləsinə uyğun olaraq məsuliyyətlə nəticələnəcək. Bundan başqa, Cinayət Məcəlləsinin 226-cı maddəsinə əsasən, ictimai asayişi kobud surətdə pozmaq və ya dövlət nümayəndəsinin qanuni tələbinə açıq-aşkar tabe olmamaq, nəqliyyatın, müəssisənin, idarənin və ya təşkilatın işinə mane olan qrup hərəkəti təşkil etmək, həmçinin bu cür hərəkətlərdə aktiv iştirak etmək cinayətdir. Bu əməlin törədilməsi 3 ilədək müddətə azadlıqdan məhrum etmə ilə cəzalandırılır.

Davam edən aksiya və yığıncaqlar zamanı Daxili İşlər Nazirliyi vətəndaşları və siyasi liderləri Gürcüstan Konstitusiyasını qorumağa, polis əməkdaşlarının peşəkar fəaliyyətinə hörmətlə yanaşmağa, dinc toplaşmaq haqqında qanundan kənara çıxmamağa, polisin tələblərinə tabe olmağa və ictimai asayişi qorumağa çağırır.

İstənilən qanun pozuntusunun polis tərəfindən dərhal qarşısı alınacaq və müvafiq cavab tədbirləri görüləcək.

Eyni zamanda, zəruri hallarda Daxili İşlər Nazirliyi ictimai asayişin bərpası üçün qanunla nəzərdə tutulmuş proporsional gücdən və xüsusi vasitələrdən istifadə edəcək", - deyə Daxili İşlər Nazirliyinin yaydığı məlumatda bildirilir.

mənbə: interpress

Xəbər lenti

Azan səsindən təsirlənərək İslam dinini qəbul etdi
2024-09-20 22:32

Amerikada koronavirusun yeni ştammı yayılır
2024-09-20 22:22

Alimlər yeni qan qrupu kəşf ediblər - MAL adlanır
2024-09-20 22:18

21 sentyabr üçün xarici valyutanın rəsmi məzənnəsi
2024-09-20 21:56

Donald Trampdan bəyanat: "Mən seçkidə uduzsam, İsrail yox olacaq, Yer üzündən silinəcək"
2024-09-20 14:19

Türkiyə lirəsi dollar qarşısında rekord səviyyədə ucuzlaşıb
2024-09-20 14:17

AB Gürcüstanla vizasız rejimi ləğv edə bilər
2024-09-20 13:25

“Hizbullah” lideri İsraili bütün qırmızı xətləri aşmaqda ittiham edib
2024-09-20 11:04

Hizbullah İsrailin 7 kazarmasına zərbə endirdi
2024-09-20 10:52

1928-ci ildə sürücüsüz avtomobil var imiş – Şok video
2024-09-20 10:41