Azərbaycanın rəsmi nümayəndəsi Xankəndidə?

Azərbaycanın rəsmi nümayəndəsi Xankəndidə? - Erməni KİV

13 Fevral 2021 - 06:08

134580

Azərbaycanın rəsmi nümayəndəsi ilə keçmiş və qondarma “dqr”in separatçı-terrorçu rəhbəri arasında görüş keçirilir.

Xeber.ge saytı xəbər verir ki, bu iddia ilə separatçı-terrorçuların nümayəndəsi Lusine Avanesyan çıxış edib.

Onun sözlərinə görə, görüş Ermənistan Milli Təhlükəsizlik Xidmətinin rəhbəri Armen Abazyan və Qarabağdakı rus sülhməramlı kontingentinin rəhbəri Rüstəm Muradovun iştirakı ilə baş tutub.

Avanesyan bildirib ki, görüş "qeyri-siyasidir", yalnız itkin düşənlərin axtarışı, əsirlərin qaytarılması və digər humanitar məsələlər müzakirə olunub. Bundan başqa 90-cı illərdəki hərbi əməliyyatlardan sonra taleləri naməlum olan vətəndaşlar barədə də söhbət aparılıb.

Avanesyan danışıqların təfərrüatı ilə bağlı əlavə məlumat verməyib:

“Danışıqlar hələ başa çatmayıb. Hər hansı bir söz, səhv formul ziyan verə bilər. Gəlin hadisələrin inkişafını birlikdə gözləyək, çünki hər hansı müsbət irəliləyiş hamımız üçün yaxşı xəbər olacaq”.

Separatçı-terrorçuların nümayəndəsi görüşdə Azərbaycanı təmsil edən nümayəndənin kim olduğunu açıqlamayıb və bunu “qarşı tərəfin səlahiyyəti” kimi qələmə verib.

Qeyd edək ki, Azərbaycanın Qarabağda heç vaxt hər hansı qurumun və onun “rəsmiləri”nin mövcudluğunu tanımayıb və bütün beynəlxalq təziqlərə baxmayaraq, onlarla bir dəfə də olsun hər hansı görüş keçirməyib. Azərbaycan qondarma “dqr”i yaradanın da, Azərbaycan torpaqlarını işğal altında saxlayanın da Ermənistan olduğunu açıq şəkildə bəyan edib və bütün danışıqları da, müharibəni də bu ölkə ilə aparıb.

Xüsusilə vurğulamaq yerinə düşər ki, A.Arutyunyan haqda Azərbaycanda cinayət işi qaldırılıb və bu terrorçu axtarışdadır. Azərbaycanın rəsmi nümayəndəsinin terrorçu ilə görüşməsi mümkün görünmür.

Yayılan məlumatla bağlı XİN-ə sorğu göndərilib.

mənbə: axar.az

Xəbər lenti

Donald Trampdan bəyanat: "Mən seçkidə uduzsam, İsrail yox olacaq, Yer üzündən silinəcək"
2024-09-20 14:19

Türkiyə lirəsi dollar qarşısında rekord səviyyədə ucuzlaşıb
2024-09-20 14:17

AB Gürcüstanla vizasız rejimi ləğv edə bilər
2024-09-20 13:25

“Hizbullah” lideri İsraili bütün qırmızı xətləri aşmaqda ittiham edib
2024-09-20 11:04

Hizbullah İsrailin 7 kazarmasına zərbə endirdi
2024-09-20 10:52

1928-ci ildə sürücüsüz avtomobil var imiş – Şok video
2024-09-20 10:41

Qəzzalılar 2 gündə 1 dəfə yemək yeyirlər
2024-09-20 10:19

İvanişvili Cənubi Osetiya və Abxaziyanın tanınmasına hazırlaşır
2024-09-19 20:03

20 sentyabr üçün xarici valyutanın rəsmi məzənnəsi
2024-09-19 19:51