İnsanın Cənnətə düşməsi ananın razılığından asılıdır

İnsanın Cənnətə düşməsi ananın razılığından asılıdır

09 Fevral 2021 - 05:24

134537

Ananın məqamını ən gözəl şəkildə Həzrət Peyğəmbər (s) təsvir etmiş və buyurmuşdur: “Behişt ananın ayaqları altındadır”.

Bir ananın həyat həqiqəti – eşq bəsləmək, sevmək və fədakarlıq etməkdir. Əgər ananın zəhmətini kiçik hesab etsək, böyük bir səhv etmiş olarıq. Çünki onun işi – insan yetişdirmək və ona fəzilətli sifətlər aşılamaqdır. Ana bu vəzifəsini yerinə yetirən zaman qürür və təkəbbürünü kənara qoyar və onu fədakarlıqla əvəzləyər.

Analar tarix boyu ali məqama malik olublar. Hər bir millətin ana barəsində maraqlı hekayələri və dastanları vardır.

Hədislərin birində oxuyuruq ki, günahkar bir insan əziz Peyğəmbərin (s) xidmətinə gəlir və peşman olduğunu aşkar edir və soruşur: “Necə edim ki, Allah məni tez bağışlasın?”.

Həzrət Peyğəmbər (s) buyurur: “Ata və anandan kim sağdır?”.

Deyir: “Atam”.

Buyurur: “Ona xidmət et”.

O günahkar insan gedəndən sonra Həzrət (s) səhabələrinə buyurur: “Əgər bu kişinin anası olsaydı və ona xidmət etsəydi, günahları sürətlə bağışlanardı”.

Ana sevgisi – Allahın kəramətlərindəndir. Onu heç kim maddi bir şeylə ölçə bilməz. Ana övladını o qədər sevir ki, ona görə canından belə keçməyə hazır olur. Bu sevgi – İlahi sevgidir ki, anaların qəlbinə qoyulmuşdur.

İslam dininin nəzərinə görə, ananın məqamı o qədər ucadır ki, insanın behiştdə düşməsi – onun razılığından asılıdır. Əgər ana övladından razı deyildirsə, bu zaman onun behiştə daxil olması çətin olacaqdır. Ona görə dinimiz buyurur ki, ananız sağ olan zaman onun xidmətində durun və onun razılığını qazanmağa çalışın.

İmam Səccad (ə) anasına o qədər ehtiram qoyardı ki, onunla bir qabda yemək yeməzdi. Çünki qorxardı ki, o tikəyə əl uzatsın ki, anası onu yemək istəmişdir.

Burada söhbət İmamın (ə) əsil anasından getmir, bəlkə dayəsindən gedir. İmamın (ə) əsil anası doğuş zamanı dünyasını dəyişmişdir.

İmam (ə) anası haqqında dua edən zaman buyurardı: “Allahım! İbadətimi valideynim üçün qeydə al. Mənə mərhəmət tövfiqi əta et ki, onun istəyini öz istəyimdən üstün biləm. Onun barəsində ehtirama riayət edim”. (Beytutə)

Ana haqqı o qədər yüksəkdir ki, ödənilə bilinmir.

Həzrət Peyğəmbər (s) buyurur: “Atanın haqqı budur ki, ona həyatı boyu itaət edəsən. Ancaq ananın haqqını heç bir zaman əda edə bilməyəcəksən. Hətta səhradakı qumların sayı qədər və yağış damcıları qədər günlər xidmətində olsan, hamiləlik dövründə çəkdiyi zəhmətlərin yerini verə bilməyəcəksən”.

Mənbə:Deyerler.org

Xəbər lenti

27 il yerin altında qalan şaxtaçı SAĞ TAPILDI
2024-04-25 23:09

Gürcüstan müxalifəti yeni mitinq elan etdi
2024-04-25 22:21

Orban qondarma liberal təbliğatına qarşı möhkəm dayanan, təqlid olunmalı bir nümunədir
2024-04-25 22:14

Gürcüstanla bağlı Avropa Parlamentində qəbul edilən qərarı "biabırçı" adlandırıb
2024-04-25 22:10

Gənc oğlan şəhərin mərkəzində güllələndi
2024-04-25 21:03

Qardabanidə qətl törədilib
2024-04-25 20:58

Analoji qətnamələrin yaradıcısı olan insanlar şüurlu və ya şüursuz şəkildə ölkəmizə ziyan vurmağa xidmət edirlər
2024-04-25 20:53

3 yaşlı uşağı avtomobil vurub
2024-04-25 19:49

Aprelin 29-dək olan hava proqnozu açıqlandı
2024-04-25 19:44

Avropa Parlamenti Gürcüstanla bağlı qətnamə qəbul etdi
2024-04-25 19:41