Rus qanununun ikinci oxunuşu zamanı da onlayn medianın parlamentə buraxılmasına icazə verilməyəcək

Rus qanununun ikinci oxunuşu zamanı da onlayn medianın parlamentə buraxılmasına icazə verilməyəcək

29 Aprel 2024 - 08:35

123

Gürcüstan parlamentində rus qanununun ikinci oxunuşu zamanı təhlükəsizlik səbəbi ilə onlayn media nümayəndələri binaya buraxılmayacaq. Bu barədə parlamentin saytında məlumat dərc olunub.

Bəyanata görə, aprelin 29-da parlamentdə sarı təhlükəsizlik səviyyəsi qüvvədə olacaq - ziyarətçilərin Parlament Sarayına girişi məhdudlaşdırılır.

“Parlamentin nəzərdə tutulan tədbirlərinə (o cümlədən komitə iclaslarına) yalnız müvafiq struktur bölmələrinin dəvət etdiyi şəxslər buraxılacaq. Parlamentin tədbirləri (komitə iclasları) başa çatana qədər hər bir yayımçıdan ikidən çox olmayan akkreditə olunmuş televiziya yayımçıları qrupunun/telemedia vasitələrinin binaya buraxılmasına icazə verilməyəcək. Sözügedən tədbirin məqsədi Gürcüstan Parlament Sarayında təhlükəsiz və iş mühitinin təmin edilməsidir”, - məlumatda deyilir.

Parlament sədrinin qərarına əsasən, aprelin 15-17-də rus qanununun birinci oxunuşunda onlayn media jurnalistləri parlamentə buraxılmayıb. Şalva Papuaşvilinin fikrincə, onların parlamentə daxil olmasında məqsəd “jurnalist fəaliyyəti deyil, etirazı sənədləşdirmək” olub, bu, Papuaşvilinin təbirincə desək, akkreditasiyadan “sui-istifadə etmək”dir. Müzakirələrdə “Gürcüstan Xəbərləri”/ “Dağ Xəbərləri”ndən başqa, “Interpres Nyus”, “Azadlıq” radiosu, “Monitor” studiyası, “Netqazeti”, “Publika” və digər KİV nümayəndələri də iştirak edə bilməz.

Aprelin 29-na olan gündəliyə görə, parlament üzvləri hüquqi məsələlər komitəsinin iclasında “Gürcü Arzusu”nun təşəbbüsü ilə irəli sürülən rus qanununu ikinci oxunuşda müzakirə edəcəklər. İclas səhər saat 9:00-a təyin edilib. Rus qanunlarından başqa, gender kvotalarının ləğvi ilə bağlı prezidentin veto qoyması da daxil olmaqla, müzakirə ediləcək daha üç məsələ var.

Aprelin 29-da parlament binası qarşısında “Gürcü arzusu” rus qanuna dəstək məqsədli “ümumi ictimai yığıncaq” keçirir və dövlət qulluqçularını regionlardan, o cümlədən onların iradəsinə zidd olaraq ora gətirir. Parlamentdəki müxalifət partiyaları, “Vahid Milli Hərəkat” və “Strategiya Ağmaşenebeli” təxribatlara yol verməmək üçün hökuməti Hüquq Məsələləri Komitəsinin iclasını təxirə salmağa çağırıb, rus qanununa etiraz edən aksiya iştirakçıları isə hakim partiyaya xəbərdarlıq ediblər ki, aprelin 29-da qanunun ikinci oxunuşunun plenar iclasını təyin etməsinlər, əks halda konstitusiyaya zidd qanununun qəbuluna mane olacaqlar.

mənbə: sakartvelosambebi

Xəbər lenti

Gürcüstan Prezidenti Şarl Mişellə danışıb
2024-05-15 20:06

ATƏT-in fəaliyyətdə olan sədri Gürcüstan Prezidenti ilə görüşüb
2024-05-15 19:59

Bizim aksiyamıza təxminən beş dəfə çox insan gəlmişdi- VİDEO
2024-05-15 19:41

London birjasında Gürcüstan Milli Bankının səhmləri 10 faiz ucuzlaşıb
2024-05-15 19:13

Parlament plenar iclas formatında gender kvotalarının ləğvi ilə bağlı qanunvericilik təşəbbüsünə prezidentin veto qoymasını müzakirə edəcək
2024-05-15 18:49

16 may üçün xarici valyutanın rəsmi məzənnəsi
2024-05-15 18:26

Təslim olmayın, bizdən şifahi dəstəkdən daha çoxunu gözləyə bilərsiniz - Rot aksiyada bildirib
2024-05-15 14:52

Qanun dəyişdirilməsə, məsul şəxslərə və onların ailələrinə qarşı məhdudiyyətlər tətbiq olunacaq
2024-05-15 14:43

NATO Gürcüstan hökumətinə çağırış edib
2024-05-15 12:47

İtaliyalı turist şəhadət gətirib müsəlman oldu
2024-05-15 12:44