Kobaxidze Davitaşviliyə Avro-2024 üçün əlavə ucuz uçuşlar təmin etməyi tapşırıb

Kobaxidze Davitaşviliyə Avro-2024 üçün əlavə ucuz uçuşlar təmin etməyi tapşırıb

08 Aprel 2024 - 18:11

118

Baş nazir İrakli Kobaxidze iqtisadiyyat naziri Levan Davitaşviliyə futbol üzrə Avropa çempionatı ilə əlaqədar Almaniyaya əlavə birbaşa uçuşlar təşkil etməyi tapşırıb. Kobaxidzenin sözlərinə görə, Gürcüstan millisinin oyunlarına çoxlu sayda gürcü azarkeşin gəlməsi vacibdir.

“Aviabiletlərə böyük tələbat var, aviaşirkətlər bundan artıq yararlanıblar. İqtisadiyyatın qanunu budur ki, tələb təklifi müəyyənləşdirir, ona görə də təyyarə biletlərinin qiyməti artıb. Bəzi hallarda qiymətlər bir neçə dəfə artıb. Mən İqtisadiyyat Nazirliyindən Düsseldorf və Hamburqa əlavə birbaşa reyslərin təşkili üçün işə başlamasını xahiş etmək istərdim və həmvətənlərimizə biletlərin sabit aşağı tariflə təklif olunması vacibdir. Bütün bunlar həm azarkeşlər, həm də futbol komandası üçün vacibdir.

Futbol oyunlarına nə qədər çox gürcü azarkeş gələrsə, təbii ki, bu, futbol komandasının uğuru üçün bir o qədər yaxşıdır. Futbol oyunlarında gürcü azarkeşlərin çoxsaylı iştirakını təmin etmək bizim üçün vacibdir. Əminəm ki, komanda qrupdan çıxa bilər və buna öz töhfəmizi vermək üçün əlimizdən gələni etməliyik. Müvafiq olaraq, həmvətənlərimizin aşağı qiymətlərlə Almaniyaya rahat gediş-gəlişini təmin etmək üçün hər şey ediləcək”, - deyə İrakli Kobaxidze bildirib.

Gürcüstan tarixdə ilk dəfə futbol üzrə Avropa çempionatında mübarizə aparacaq. Yığma qruplardaki açılış oyununu iyunun 18-də Dortmundda Türkiyə, ikinci oyununu iyunun 22-də Hamburqda Çexiya və son oyununu iyunun 26-da Qelzenkirşendə Portuqaliya ilə keçirəcək.

Martın 26-da Yunanıstan millisini məğlub edən Gürcüstan Avro-2024-ə vəsiqə qazanıb. Bu tarixi qələbədən bir həftə sonra hakim partiya etirazlar və beynəlxalq təzyiqlər səbəbindən 2023-cü ilin martında ləğv edilən xarici agentlər haqqında “rus qanunu”nu geri qaytarıb. Müxalifət ehtimal edir ki, “Gürcü Arzusu” etirazlardan yayınmaq üçün qanunu iyunda, Avropa çempionatı ərəfəsində qəbul etməyə çalışacaq.

mənbə: sakartvelosambebi

Xəbər lenti

Tələbələrin “ Rus qanunu”na etiraz aksiyası bu gün də davam edəcək
2024-05-19 14:06

Zurabişvili Makronu Gürcüstana dəvət edib
2024-05-19 13:09

Nəhəng meteorit görənləri heyrətə gətirdi - VİDEO
2024-05-19 13:04

Gürcüstan parlamenti Prezidentin mübahisəli qanunla bağlı vetosunu dəf edə biləcək
2024-05-19 12:55

Gecə saatlarında evə silhalı şəxslər girib - Bir nəfər ölüb iki nəfər yaralanıb
2024-05-19 12:18

Sabah parlamentdə prezidentin ofşor qanun layihəsinə veto qoyması müzakirə olunacaq
2024-05-19 11:53

“Gördüklərimizin şəffaflıqla heç bir əlaqəsi yoxdur”
2024-05-18 22:28

Etiraz aksiyasının davam etdiyi Tbilisidə Rusiya və “Gürcü Arzusu”nun bayraqları yandırıldı- VİDEO
2024-05-18 22:25

“Prezident Salome Zurabişvilinin şəffaflıq haqqında qanuna veto qoyması sonrakı müzakirələr üçün imkan yaradır”
2024-05-18 22:22

Qardabanidə bacısını qətlə yetirən şəxsə həbs cəzası verildi
2024-05-18 22:19