“Seçkiqabağı LGBTI fobiya ilə manipulyasiyadır”

“Seçkiqabağı LGBTI fobiya ilə manipulyasiyadır”

28 Mart 2024 - 11:05

130

Avropa Şurasının insan haqları üzrə komissarı Dunia Miatoviç “Gürcü Arzusu”nun irəli sürdüyü konstitusiya dəyişikliklərini tənqid edərək bildirir ki, demokratik cəmiyyətdə seçkilər öncəsi “LGBTI” fobiyası ilə manipulyasiyaya yer olmamalıdır.

“Mən Gürcüstandaki mövcud siyasi diskursdan narahatam, bunu “Gürcü Arzusu” partiyasının konstitusiyaya dəyişiklik və “ailə dəyərləri və yetkinlik yaşına çatmayanların müdafiəsi” haqqında yeni konstitusiya qanununun qəbul edilməsi təşəbbüsü ilə bağlı bəyanatı göstərdi. Bu [Gürcü Arzusunun təşəbbüsü] Gürcüstan cəmiyyətinin bəzi hissələrində, o cümlədən bəzi siyasətçilər arasında hələ də hökm sürən “LGBTI” fərdlərə və onların hüquq müdafiəçilərinin hüquqlarına, təhlükəsizliklərinə və rifahına güclü mənfi təsir göstərə bilən köklü zərərli stereotipləri və qərəzləri əks etdirir.

Bu, həm də əvvəllər pislədiyim və qanunun aliliyinə və bütün insanların hüquqlarına hörmətə əsaslanan demokratik cəmiyyətdə yeri olmayan “LGBTI” fobiyası ilə seçkiqabağı siyasi manipulyasiyasını təmsil edir”, - İnsan Haqları üzrə Komissarın bəyanatında deyilir.

Dunia Miatoviç qeyd edir ki, Gürcüstanda “LGBTI” nümayəndələri nifrət cinayətlərinin və geniş yayılmış ayrı-seçkiliyin hədəfi olmağa davam edir, onların dinc toplaşmaq hüququndan məhrum edilməsi halları mütəmadi olaraq baş verir.

“Mən dəfələrlə Gürcüstan hakimiyyətini “LGBTI”insanlara qarşı ayrı-seçkiliyin bütün formalarına, ayrı-seçkiliyə və zorakılığa təhrikə qarşı sıfır dözümlülük siyasəti və praktikasını həyata keçirməyə çağırmışam. Son aylar mən bəzi siyasətçilərin Gürcüstanda insan haqları müdafiəçilərinin və vətəndaş cəmiyyətinin qanuni fəaliyyətinə xələl gətirmək üçün istifadə etdikləri, getdikcə artan damğalama ritorikasını izləyirəm.

Ona görə də mən Avropa Şurasının üzvü olan Gürcüstan hökumətini insan hüquqlarının müdafiəsi, o cümlədən “LGBTI” fərdlərin hüquqlarının müdafiəsi ilə bağlı öhdəliklərini tam şəkildə yerinə yetirməyə və vətəndaş cəmiyyəti və insan haqları müdafiəçilərinin fəaliyyəti üçün əlverişli mühit yaratmağa çağırıram. Mən Gürcüstanın bütün siyasətçilərini seçki kampaniyasında “LGBTI”fobiyasından və ya digər ayrı-seçkilik ritorikasından istifadəni qətiyyətlə pisləməyə çağırıram”, - Miatoviç bildirib.

Avropa komissarı Gürcüstan cəmiyyətinin bütün üzvlərinin, o cümlədən “LGBTI” fərdlərin hüquqlarını dəstəkləyən və müdafiə edənlərlə həmrəy olduğunu bildirir.

“Gürcü Arzusu” ailə dəyərləri və yetkinlik yaşına çatmayanların müdafiəsi bəhanəsi ilə konstitusiyaya dəyişiklik etmək istəyir. Təklif olunan konstitusiya dəyişiklikləri “eyni cinslil münasibətlərinin təşviqi” sayıla biləcək hər hansı ictimai rəyin ifadəsini və ya ictimai toplantıları qadağan edir. Hakim partiya konstitusiya dəyişikliklərini qəbul etmək üçün parlamentdə lazımi 113 səsə malik deyil. Çoxluğun lideri Mamuka Mdinaradzenin dediyi kimi, onlar dəyişikliklərin “indi olmasa da, heç olmasa növbəti çağırış parlamentdə” dəstəklənməsi üçün hər şeyi edəcəklər.

mənbə: sakartvelosambebi

Xəbər lenti

Yunanıstanda sərxoş gürcü 43 yaşlı kişini bıçaqlayıb
2024-04-27 14:20

Eynəyi cızıqlardan xilas edən təbii üsul
2024-04-27 12:44

Kobaxidze hökumətin "GRECO"nun antikorrupsiya qiymətləndirmə hesabatını gizlətdiyini inkar edir
2024-04-27 11:47

Ölkədə həyat səviyyəsi aşağı olduqca yüksək miqrasiya davam edəcək
2024-04-27 11:25

ABŞ-dan Gürcüstana XƏBƏRDARLIQ
2024-04-26 22:22

Avroparlamentarilərin tələb və şantaj cəhdlərinin Gürcüstan üçün dəyəri yoxdur
2024-04-26 21:50

“Gürcü Arzusu”nun mərkəzi ofisində təcili iclas keçirilir
2024-04-26 21:09

Qaratəhlə kəndində ağırlaşdırıcı şəraitdə qəsdən adam öldürməkdə təqsirli bilinən iki nəfər 20-20 il müddətinə azadlıqdan mərhum edilib
2024-04-26 20:52

Aytac Şahmarovanın anası və dayısı ilə bağlı hökmün bu tarixdə açıqlanacağı gözlənilir
2024-04-26 20:38

27 aprel üçün xarici valyutanın rəsmi məzənnəsi
2024-04-26 20:14