11 min qəzzalı uşaq öldürülüb – DƏHŞƏTLİ STATİSTİKA

11 min qəzzalı uşaq öldürülüb – DƏHŞƏTLİ STATİSTİKA

23 Yanvar 2024 - 08:36

274

İsrail ordusu 2023-cü il 7 oktyabrdan bəri Qəzza sektorunda 11 min uşağı qətlə yetirib.

Xeber.ge xəbər verir ki, bu barədə Qəzza sektorunun hökuməti İsrail hücumlarının 108-ci gününə dair hesabatda məlumat verib.

Həmçinin indiyədək 7 500 qəzzalı qadının da öldürüldüyü qeyd edilib.

Umumilikdə isə 7 oktyabrdan bəri Qəzzada 25 925 dinc fələstinli İsrail ordusu tərəfindən öldürülüb.

Yaralıların sayı isə 63 min nəfəri keçib. Onların böyük əksəriyyəti uşaq və qadınlardan ibarətdir.

Bundan başqa, 7 min günahsız Qəzza sakini hələ də dağıntılar altındadır və ya itkin düşüb ki, onların da 70 faizini yenə də uşaqlar və qadınlar təşkil edir.

İsrail bombardmanları, demək olar ki, bütün Qəzza əhalisinin öz yerlərindən didərgin düşməsinə səbəb olub və bu da öz növbəsində qəzzalılar arasında kütləvi sürətdə infeksion xəstəliklərin yayılmasına gətirib çıxarıb – artıq 400 min yoluxma qeydə alınıb.

60 mindən çox hamilə qadın və xroniki xəstəlikli 350 min qəzzalı tibbi xidmətin yoxluğu səbəbilə həyat üçün təhlükəli bir vəziyyət içərisindədir.

Qeyd edilən tarixdən bəri İordan çayının Qərb sahilində və Qüds şəhərində İsrail qüvvələri və qeyri-qanuni yəhudi miqrantlar tərəfindən qətlə yetirilən dinc fələstinlilərin sayı 327-yə (97-si uşaqdır), yaralananların sayı isə 4 212-yə çatıb (637-si uşaqdır) (18 yanvara olan məlumata əsasən).

Başqa bir mənbəyə görə isə, artıq uzun müddətdir itkin düşən fələstinlilər də nəzərə alınmaqla öldürülən dinc qəzzalıların sayı 30 mindən çoxdur.

Qeyd edək ki, İsrail ordusu beynəlxalq qaydaları pozaraq və onlara məhəl qoymayaraq xəstəxanalar, məktəblər, məscidlər və digər bunun kimi mülki yerləri bombardman edir – 99 məktəb və universitet yerlə bir edilib, 295 məktəb və universitet isə bombardmanlardan zərər görüb; 253 məscid bombalanıb və onlardan da 161 tamamilə dağılıb; həmçinin 3 kilsəyə də zərbə endirilərək yararsız hala gətirilib; 53 tibb mərkəzi və 30 xəstəxana yararsız hala düşüb.

mənbə: az.shafaqna.com

Xəbər lenti

“Gördüklərimizin şəffaflıqla heç bir əlaqəsi yoxdur”
2024-05-18 22:28

Etiraz aksiyasının davam etdiyi Tbilisidə Rusiya və “Gürcü Arzusu”nun bayraqları yandırıldı- VİDEO
2024-05-18 22:25

“Prezident Salome Zurabişvilinin şəffaflıq haqqında qanuna veto qoyması sonrakı müzakirələr üçün imkan yaradır”
2024-05-18 22:22

Qardabanidə bacısını qətlə yetirən şəxsə həbs cəzası verildi
2024-05-18 22:19

Parlament Zurabişvilinin qoyduğu vetonu ləğv edə bilər, amma...
2024-05-18 22:15

Zurabişvili xarici agentlər haqqında qanuna veto qoyub
2024-05-18 22:06

Öllkəyə və xalqa qarşı sanksiyalar tətbiq etmək yanaşması yanlışdır
2024-05-18 18:20

Bizimlə kim, hansı qüvvə danışır? - İnsanları zorlayan, öldürən, işgəncə verənlər!
2024-05-18 17:04

ABŞ Nümayəndələr Palatasının Xarici Əlaqələr Komitəsinin üzvü Gürcüstanda baş verən hadisələrə cavab olaraq qanun layihəsi təqdim etməyi planlaşdırır
2024-05-18 16:55

Rusiya Ukraynada yaşayış məntəqəsini ələ keçirdiyini açıqlayıb
2024-05-18 15:20