Bu qanun pozuntusu halında sürücü cərimələnəcək

Bu qanun pozuntusu halında sürücü cərimələnəcək

01 Yanvar 2024 - 09:11

374

Nəqliyyat vasitələrinin qış təkərləri ilə təchiz edilməsi ilə bağlı qanun bu gündən qüvvəyə minib.

Daxili İşlər Nazirliyinin hazırladığı və parlament tərəfindən dəstəklənən qanunvericilik dəyişiklikləri ilə dekabrın 1-dən martın 1-dək yolların müəyyən hissələrində nəqliyyat vasitələrinin hərəkətinə yalnız qız təkərləri ilə təchiz edildikdə icazə veriləcək.

Bundan əlavə, meteoroloji şəraiti nəzərə alaraq, polis avtomobilin hərəkət təkərlərinə sürüşməyə qarşı zəncir taxmaq tələbi qoya bilər.

Daxili İşlər Nazirliyinin məlumatına görə, hökumət qış təkərlərinin və sürüşməyə qarşı zəncirlərin müvafiq xüsusiyyətlərini və onların qeyd olunan xüsusiyyətlərə uyğunluğunun müəyyən edilməsi qaydalarını təsdiq edib.

Qışda qış təkərlərinin və/və ya sürüşməyə qarşı zəncirlərin məcburi olacağı yerlərin və yol hissələrinin siyahısı da təsdiq edilib.

Daxili İşlər Nazirliyinin məlumatına görə, qış təkərləri aşağıdakı meyarlara cavab verməlidir:

Qar dənəciyi simvolu təkərdə işarələnməlidir. Şin qoruyucunun dərinliyi: - 3 mm-dən az olmamalıdır - minik avtomobilləri (M1) və yük avtomobilləri (N1, N2, N3) üçün; 4 mm-dən az olmamalıdır - mikroavtobus (M2) və avtobus (M3) üçün. Təkər istehsal edildiyi vaxtdan 10 il keçməmiş olmalıdır; təkərin üzərində istehsal tarixini oxumaq mümkün olmalıdır; avtobuslar (M3) və ümumi çəkisi 3,5 tondan çox olan (N2, N3) yük maşınları üçün qar dənəciyi simvolu olmayan qış təkərləri ilə sürməyə icazə verilir. Bu halda, Daxili İşlər Nazirliyinin bölməsi yuxarıda qeyd olunan kateqoriyalı nəqliyyat vasitələri üçün ən azı bir aparıcı oxun bütün gözlərinə müvafiq xüsusiyyətlərə malik sürüşməyə qarşı zəncir taxmaq tələbini qoymaq səlahiyyətinə malikdir.

Sürüşməyə qarşı zəncir zavod istehsalı olmalı, avtomobilin təkər ölçüsünə uyğun və qarlı/buzlu yol səthlərində istifadə üçün uyğun olmalıdır. Sürüşməyə qarşı zəncir yalnız qar və/və ya buzla örtülmüş yolda istifadə edilməlidir. Qış təkəri və/yaxud sürüşməyə qarşı zəncir müəyyən edilmiş tələblərə cavab vermirsə, polis əməkdaşı həmin şəxsin hərəkətini qadağan etmək səlahiyyətinə malikdir. Qış təkəri və/və ya sürüşməyə qarşı zəncir müəyyən edilmiş tələblərə uyğun gəlmirsə və bu nəqliyyat vasitəsinin hərəkəti hərəkət iştirakçıları üçün təhlükə yaradırsa, şəxs müvəqqəti olaraq nəqliyyat vasitəsindən məhrum ediləcək, nəqliyyat vasitəsi isə mühafizə olunan dayanacağa aparılacaq. Qış təkəri və sürüşməyə qarşı zəncir tələblərinə uyğun gəlmədiyi halda şəxs 100 lari məbləğində cərimə olunacaq və sürücülük vəsiqəsinə verilən balların sayı 5 bal azaldılacaq.

mənbə: interpress

Xəbər lenti

5 günlük axtarışdan sonra 27 yaşlı qızın meyiti tapılıb
2024-05-16 11:29

Mədə üçün ən faydalı ədviyyat: qastritin dərmanı...
2024-05-16 11:18

Quranda qorxudan çəkinmək və emosional intizam
2024-05-16 11:11

Kaxa Kaladze nümayişlərdə iştirak edən avropalı nazirləri düşmən adlandırıb
2024-05-16 10:58

Putini Çində belə qarşıladılar -VİDEO
2024-05-16 10:07

Slovakiyanın Baş nazirinin əməliyyatı uğurlu keçib, həkimlərlə danışır
2024-05-15 22:06

Batumi Dövlət Universitetinin qarşısında "xarici agentlər haqqında" qanuna etiraz aksiyası bərpa olunub
2024-05-15 22:04

Baltikyanı ölkələrin XİN başçıları Tbilisidə etiraz aksiyasına qoşulublar
2024-05-15 21:57

Etiraz aksiyası keçirən tələbələr Qəhrəmanlar Meydanını bağladılar
2024-05-15 20:55

Robert Fitsoya qarşı hücumu qətiyyətlə pisləyirik
2024-05-15 20:50