Şirki aradan qaldırmağın yolları

Şirki aradan qaldırmağın yolları

29 Noyabr 2023 - 06:35

335

Şirki aradan qaldırmağın yollarından biri də müqayisə etməkdir. Qurani-Kərim insanları Allahdan başqa nə seçdikləri barədə xəbərdarlıq edir.

Məsələn, bir neçə ayəni belə sadalaya bilərik:

“Nəhl” surəsinin 17-ci ayəsi: "Yaradanla yarada bilməyənlər eyni ola bilərmi? Sizcə elə deyilmi?"

“Saffat” surəsinin 125-ci ayəsi: “Sizin və atalarınızın ən yaxşı xaliqi, Rəbbi olan Allahı qoyub bütlərə ibadət edirsiniz?”

“Əraf” surəsinin 194-cü ayəsi: “Həqiqətən, Allahdan qeyri ibadət etdikləriniz sizin kimi bəndələrdir. Əgər iddialarınızda sadiqsinizsə, onlara dua edin ki, qəbul etsinlər!”

"Həcc" surəsinin 73-cü ayəsi: “Ey insanlar! Bir məsəl çəkildi, ona qulaq asın! Şübhəsiz ki, Allahdan qeyri ibadət etdiyiniz bütlər heç bir milçək də yarada bilməzlər -lap hamısı bunun üçün bir yerə yığışsa belə! Əgər milçək onlardan (bütlərin üstündə olanlardan) bir şey götürüb aparsa, onu milçəkdən geri ala bilməzlər. İstəyən də aciz, istənilən də! (Bütlər də aciz, milçək də, yaxud bütlərə ibadət edən də aciz, ibadət edilən bütlər də!)!”

“İsra” surəsinin 56-cı ayəsi: “De: “Allahdan başqa tanrılar dediklərinizi çağırın! Lakin onlar sənin dərdini nə aradan qaldıra, nə də onu rahatlığa çevirə bilərlər”.

“Ənkəbut” surəsinin 17-ci ayəsi: “Siz Allahı qoyub bəzi bütlərə ibadət edir və batil inanclar uydurursunuz. Şübhəsiz ki, Allahdan başqa ibadət etdikləriniz sizə ruzi verməyə qadir deyildir. O zaman ruzinizi Allahdan axtarın, Ona ibadət edin, Ona şükür edin; Axırda siz Onun hüzuruna qayıdacaqsınız”.

“Fatir” surəsinin 14-cü ayəsi: “Əgər onlara dua etsən, sənin duanı eşitməzlər, eşitsələr də, sənə cavab verə bilməzlər. Qiyamət günü isə sizin onları (Allaha) şərik qoşmanızı qəbul etməyəcəklər. “Hər şeydən xəbərdar olan Allah kimi sənə heç kim elm verə bilməz”.

“Nisa” surəsinin 139-cu ayəsi: “Möminləri qoyub kafirləri dost tutanlar onların yanında izzət axtarırlarmı? Bilsinlər ki, bütün izzət yalnız Allaha məxsusdur”.

“Həcc” surəsinin 13-cü ayəsi: "Özü də zərəri xeyirindən daha çox (Cəhənnəmə daha yaxın) olana ibadət edər. O (büt) nə pis köməkçi, necə də pis yoldaşdır!".

“Yunis” surəsinin 35-ci ayəsi: “Allah olaraq ibadət etdikləriniz arasında sizi haqqa yönəldə bilən varmı?” soruş. De: “Haqqa yönəldən ancaq Allahdır”. Bəs, kim tabe olmağa daha layiqdir, haqqa yönəldən, yoxsa hidayət olunmadıqca, özbaşına yolunu tapa bilməyən? Sənə nə olub, necə belə hökm edə bilərsən"?

Şirklə mübarizənin başqa bir yolu da həqiqi və pak niyyətə sahib olmaqdır.

Əsasən, insanın əməllərinin dəyəri və onların qəbul olunma dərəcəsi niyyətindən asılıdır. Qiyamət günü bəzi insanlar iddia edəcəklər ki, etdiklərinə görə mükafatlandırılacaqlar. Onlara deyilər: “Siz pul xərclədiniz ki, insanlar sizin nə qədər səxavətli olduğunuzu desinlər” və ya “Quran oxudunuz ki, nə gözəl səsiniz var” desinlər.

O zaman şirkdən qurtulmağın yollarından biri də insanın etdiyi hər şeyi yalnız Allah rizası üçün təmiz və pak niyyətlə etməsidir.

Şirklə mübarizənin başqa bir yolu da namaz qılmaq, dua etmək və zikr proqramlarıdır. Bunlardakı hər bir söz və cümlə diqqətlə deyilsə, insanda tövhid ruhunu aşılayar.

“Allahu Əkbər” (Allah tək böyükdür), “İyyakə nəbudu ve iyyakə nəstəin” (Yalnız Sənə ibadət edirik və yalnız Səndən kömək diləyirik), “Bihəvlillahi ve quvvətihi əqumu ve əqudu” (Allahın köməyi və qüdrəti ilə ayağa qalxıram və otururam) cümlələrinin mənasını düşünsək, bəndəliyimizin Ona xas olduğunu və tövhid yolunda irəliləməmizə kömək edəcəyini anlayarıq.

Möhsin Qəraəti tərəfindən yazılmış "İnancların ƏsaslƏqidə prinsipləri (Tövhid)" kitabından götürülmüşdür.

mənbə: iqna

Xəbər lenti

Öllkəyə və xalqa qarşı sanksiyalar tətbiq etmək yanaşması yanlışdır
2024-05-18 18:20

Bizimlə kim, hansı qüvvə danışır? - İnsanları zorlayan, öldürən, işgəncə verənlər!
2024-05-18 17:04

ABŞ Nümayəndələr Palatasının Xarici Əlaqələr Komitəsinin üzvü Gürcüstanda baş verən hadisələrə cavab olaraq qanun layihəsi təqdim etməyi planlaşdırır
2024-05-18 16:55

Rusiya Ukraynada yaşayış məntəqəsini ələ keçirdiyini açıqlayıb
2024-05-18 15:20

Bu gün Tbilisidə bir sıra yürüş və aksiya keçiriləcək
2024-05-18 15:10

Kurs dəyişmədən Gürcüstan yenidən Rusiya İmperiyasının quberniyasına çevriləcək
2024-05-18 15:05

Gürcüstan Prezidenti əcnəbi agentlər haqqında qanuna dəyişiklik etməyəcək
2024-05-18 13:49

Bu qanunu səhv hesab etmişdim və heç nə dəyişməyib
2024-05-18 13:40

Rus qanununu vasitəsilə fiziki şəxsləri də cərimələmək mümkün olacaq
2024-05-18 13:31